AMAKURU

UKWEZI
ubumwe

Imiryango ine yahishuye igihe yashoboye gutegereza itarakora imibonano mpuzabitsina yabyaye

Imiryango ine yahishuye igihe yashoboye gutegereza itarakora imibonano mpuzabitsina yabyaye
10-10-2019 saa 10:29' | By Nsanzimana Ernest | Yasomwe n'abantu 10217 | Ibitekerezo

Hari abashoboye gutegereza umwaka batarongera gutera akabariro nyuma yo kubyara ariko hari n’ abategereje amasaha 24 bahita batangira gutera akabariro. Iyo umugore atinze kugarura ibyiyumviro ku byerekeranye no gukora imibonano mpuzabitsina biba bitewe n’ ibyo yahuriye nabyo mu kubyara. Abo byabayeho hari inama batanga.

Nta gihe cyagenwe umugore n’ umugabo bakwiye gutegereza bamaze kubyaza ngo babone kuzongera gukora imibonano mpuzabitsina.

Gafotozi Amanda Dowdall nyuma y’ amasaha 24 abyaye yahise atangira kongera gutera akabariro n’ umugabo we Mike w’ imyaka 32.

Amanda avuga ko yumviye umubiri we kuko ngo amaze kubyara imisemburo y’ umubiri we mu masaha 24 yamushyizemo ibyiyumviro byo kumva ashaka imibonano mpuzabitsina.

Uyu muryango waganiriye na The Sun utuye mu mugi wa Manchester mu Bwongereza.

Mike ati “Biragoye kumenya igihe cyo gutera akabariro nyuma yo kubona umwana. Ariko inama nagira abagabo bagenzi bange ni ukujya babaza abagore babo uko biyumva”.

ANNIE Forber w’ imyaka 24 we n’ umugabo we Adam Smith w’ imyaka 33 bavuga ko bategereje ibyumweru bitatu.

Annie ukora muri Banki ati “Imibonano mpuzabitsina nge n’ umugabo wange ni ikintu tubanza kuganiraho. Nategereje ko mbanza kumera neza kandi umugabo wange yabimfashijemo”.

Uyu mugore avuga ko nubwo we n’ umugabo we bari bamenyereye gutera akabariro ngo nyuma yo kubyara ntibyaborohereye kongera kugatera kuko umwana yararaga hagati yabo.

Adam avuga ko akora ibishoboka byose akamenya niba umugore we atari mu mihango mbere yo kumusaba ko batera akabariro.

BIBA Tanya, wiga muri kaminuza ya Clitheroe avuga ko we n’ umugabo we w’ umwenjennyeri Kevin Lyncheshaun w’ imyaka 60 bategereje amezi 8 bahereye igihe yabyariye babona kongera gutera akabariro

Amezi 8.....

Tanya avuga ko impamvu byatwaye amezi 8 ngo yongere kwiyumvamo ko ashaka gukora imibonano mpuzabitsina ariko amaze kubyara yagize ipfunwe ry’ uko abantu bamubona. Ngo yumvaga atagikurura umugabo nka mbere. Umwana we amaze kugira amezi 8 nibwo yumvise atewe ishema ryo kuba ari umubyeyi.


Bamaze amezi 8 batarongera gutera akabariro nyuma yo kubyara

Asaba abagore kujya bamenya igihe cyangombwa cyo gutera akabariro ntibihatirize.

Kevin avuga ko uburyo umwana wabo Lola yavutse byatunguranye ndetse ngo byari biteye ubwoba. Ashima umugore we kuba yarashoboye kubyihanganira akazagera aho akaruka mu bihe byiza akongera kwishima.

Umwaka....

Umuyobozi mukuru wungirije ushinzwe ibikorwa Jessica Lungu n’ umugabo we Marian w’ imyaka 34 bategereje umwaka wose batarongera gukora imibonano mpuzabitsina, bigera aho ‘umugabo abaza umugore niba akimukunda’.

Lungu w’ imyaka 32 avuga ko yari amaze imyaka 7 abana n’ umugabo we bishimanye cyane ku buryo bateraga akabariro 2 ku munsi. Ngo amaze gutwita ibintu byarahindutse akajya abyuka yumva atameze neza, akaruka inshuro nka 30 ku munsi. Ibi ngo byatumye atangira kumva amarangamutima yo gukora imibonano mpuzabitsina agenda agabanuka biza guhumira ku mirari ubwo yabyaraga bamubaze.

Ati “Bamaze kumbaga nambwiwe ko nzakira mu byumweru bitandatu ariko nanyuma yaho nakomeje kumva ububabare. Ikintu cyatinze kugaruka muri nge ni imibonano mpuzabitsina. Byageze aho Mariam ambaza niba nkimukunda”.

Uyu mugabo yagerageje inshuro nyinshi gusaba umugore we ko bakongera gutera akabariro ariko umugore agahakana. Umugabo yageze aho asaba umugore ko bakwaka gatanya bajya kugisha inama inshuti y’ umuryango ibabwira ko bafata umwanya urambura bakabanza kuganira ku mubano wabo.

Bamaze kuganira bungutse inama yo kujya bareba kenshi filime z’ ubusambanyi bari kumwe kugira ngo uyu mugore wageze aho akajya yumva ko babikoze umwana wabo yabumviriza akanababona bimuvemo.


Lungu Jessica na Mariam bamaze umwaka batarongera gutera akabariro

Mariam avuga ko byamugoye gutegereza umwaka wose kugira ngo umugore we agarure ibyiyumviro byo gutera akabariro ati “Mfite impungenge zo kongera kubyara undi mwana kuko nabwo bishobora kuzansaba gutegereza umwana wose tutarongera gutera akabariro”.

Uyu mugabo nubwo ibyamubayeho byamuciye integer akumva atinnye kongera kubyara undi mwana avuga ko kugira umwana ari umugisha ndetse ahamya ko aricyo kintu kiza cyabayeho mu buzima bwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...