AMAKURU

UKWEZI
ubumwe

Yakundanye n’ umukunzi we imyaka 21 bakoze ubukwe apfa agiye gukusanya kado

Yakundanye n’ umukunzi we imyaka 21 bakoze ubukwe apfa agiye gukusanya kado
6-09-2019 saa 08:37' | By Nsanzimana Ernest | Yasomwe n'abantu 13515 | Ibitekerezo 1

Tariki 17 Kanama uyu mwaka ubwo Doris Wako yasubiza ati ‘Ndabyemeye’ yibwiraga ko agiye gutangira urugendo rw’ ibyishimo birambye n’ umukunzi we Bernard Levy Mwato bari bamaze imyaka 21 bakundana.

Uyu mugore Doris wapfaye nyuma y’ iminsi 19 akoze ubukwe yakundanye na Mwato kuva mu myaka 21 ishize ubwo bombi biganaga mu mashuri yisumbuye.

Mu byumweru 2 bishize nibwo Doris yabwiye umukunzi we ati ‘tuzatandukanywa n’ urupfu’, icyo gihe hari mu birori by’ ubukwe bwabo bwabereye ahitwa Busia iwabo muri Kenya.

Umupolisikazi Doris Wako, ubu ari mu kiriyo cy’ umugabo we wari ufite imyaka 40 witabye Imana ibyishimo bye bigahinduka amarira.

Uyu mugabo nyakwigendera ku wa Gatatu nibwo yagiye kwa nyirarume gukusanya amakado. Yituye hasi ari mu nzira bamwihutana ku bitaro by’ ikitegererezo bya Busia basanga yapfuye.

Iyi nkuru yashegeshe umugore wa nyakwigendera w’ imyaka 38 dore ko bari bakiri mu kwezi kwa buki.

Yashyize amafoto y’ ubukwe kuri kuri paje ya facebook ashyiraho amagambo agira ati “Ruhukira mu mahoro rukundo rwanjye , tuzongera duhure”.

Aya magambo yazamuye agahinda mu nshuti n’ imiryango batashye ubukwe ahanini babazwa n’ igihe gito bamaze bashyingiranywe.

Fredrick Magero ati “Ugiye kare Levy” arongera abwira umugore ati “Ubwiza bw’ Imana bukube hafi muri ibi bihe bikomeye kandi wihangane ukomere ni inzira ya twese”

Walter Langat we yagize ati “Mbikuye ku mutima nihanganishije umuryango wose. Imana uko yari ejo n’ uyu munsi niko iri kandi niko izahora. Mukore, amahoro y’ Imana abane namwe”

Uyu mugore wamfakaye nyuma y’ iminsi 19, ku munsi w’ ubukwe bwe yakoze igikorwa cy’ indashyikirwa kuko yatumiye abana bo mu muhanda agasangira nabo amafunguro n’ ibirori by’ umunsi mukuru nk’ uko byatangajwe na Dail nation.

Uyu mugore Doris asanzwe arangwa n’ umutima w’ impuhwe no gufasha abababaye dore ko muri Werurwe uyu myaka wa 2019 ari umwe mu bagore 21 bahawe ibihembo by’ abagore b’ indashyikirwa ku mugore w’ abagore. Uhagarariye abagore muri Bosia Florence Mutua ashima ubugwaneza bwa Wako Doris

Umurambo wanyakwigendera wakorewe isuzuma ngo hamenyekane icyamwishe, ibisubizo ntabwo biratangazwa ariko harakekwa indwara y’ umutima.


INKURU ZA :
Tanga Igitekerezo
Ibitekerezo 1
Irankunda idrissa Kuya 17-09-2019

IMANA imuhe kwihangana doris, kandi agumye umutima wo gufasha vyigishe nabandi.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...