AMAKURU

UKWEZI
cheno 2020

Covid-19: Didier Drogba yatanze ibitaro bye ngo bikoreshwe mu kwita ku banduye

Covid-19: Didier Drogba yatanze ibitaro bye ngo bikoreshwe mu kwita ku banduye
14-04-2020 saa 18:28' | By Twagirayezu Vincent | Yasomwe n'abantu 985 | Ibitekerezo

Umukinnyi w’icyamamare ku isi, Didier Drogba yatanze umusanzu we mu kurwanya icyorezo cya Coronavirus kimaze guhangayikisha umugabane w’Afurika n’isi yose. Didier Drogba yatanze ibitaro bye biri iwabo muri Cote d’Ivoire ngo bigirwe imwe muri Centre ikurikiranirwamo abarwayi ba Coronavirus muri iki gihugu.

Iki cyorezo cyahawe izina rya Covid-19 gikomeje gukwirakwira mu bihugu byose byo ku isi hakaba hari n’ubwoba ko umubare w’abahtanwa nacyo uzagenda wiyongera umunsi ku wundi.

Ibitaro bya Didier Drogba biherereye mu murwa mukuru wa Abidjan muri Cote d’Ivoire bimaze igihe kitari kinini bikora kuko byafunguwe ku mugaragaro muri 2016.

Umuyobozi w’Umujyi wa Abidjan, Vincent Toh Bi Irie yashimiye uyu mukinnyi ku gikorwa cyigaragaza urukundo avuga ko ‘gutanga ibi bitaro ngo bikoreshwe mu kwita ku barwayi ba Coronavirus ku buntu bifatwa nk’igikorwa cyo gukunda igihugu yakoze.’

Uyu mukinnyi wamenyekanye cyane ubwo yakiniraga ikipe ya Chelsea mu Bwongereza asanzwe atanga ubufasha mu bijyanye n’Uburezi n’Ubuzima ku mugabane w’Afurika, akaba ari n’umwe mu bantu bavuga rikijyana kuri uyu mugabane by’umwihariko mu gihugu cye cya Cote d’Ivoire kubera ibikorwa bye by’indashyikirwa akaba n’umwe mu byamamare byitabiriye inama Mpuzamahanga ya Youth Connect Africa 2019 yabereye mu Rwanda.

Yanabaye umukinnyi ukomeye w’ikipe y’igihugu cye kuko mu mikino 105 yayikiniye yayitsindiye ibitego 65 aba na kapiteni wayo.

Kuva ku itariki ya 11 Werurwe uyu mwaka ubwo iyi ndwara yagaragaraga bwa mbere muri Cote d’Ivoire, iki gihugu gitangaza abarwayi basaga 570 banduye muribo 5 bakaba bamaze guhitanwa nayo.

Ibitaro bya Didier Drogba bigiye kujya bikoreshwa mu kwita ku banduye Covid-19


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...