AMAKURU

UKWEZI
pax

Irambona Eric wari umaze imyaka 8 muri Rayon Sports yayivuyemo ajya muri Kiyovu Sports

Irambona Eric wari umaze imyaka 8 muri Rayon Sports yayivuyemo ajya muri Kiyovu Sports
24-05-2020 saa 06:59' | By Twagirayezu Vincent | Yasomwe n'abantu 992 | Ibitekerezo

Myugariro wa Rayon Sports, Irambona Gisa Eric wari umaze imyaka umunani akinira iyi kipe ubu yamaze kuyisohokamo yerekeza muri mukeba wayo, Kiyovu Sports bakunze kwita ‘Urucaca’ aho yasinye kuzayikinira imyaka ibiri.

Irambona ukina inyuma ku ruhande rw’ibumoso yari amaze gusoza amasezerano muri Rayon Sports ariko ubuyobozi bwa Rayon Sports bwakomeje kujya butinda kumuganiriza ngo bube bwamwongeza ayandi none yahise yigira muri iyi kipe yo ku Mumena mu Mujyi wa Kigali ikunze kwiyita ko ariyo mukeba wa mbere wa Rayon Sports kubera igihe zombi zimaze.

Ni mugihe uyu mukinnyi mu mwaka ushize atigeze abona umwanya uhagije wo kujya mu kibuga kuko umwanya akinamo awuhuriyeho na kapiteni Rutanga Eric. Irambona Eric yari umwe mu bakinnyi bakuze bari muri Rayon Sports aho yari kapiteni wungirije Rutanga.

Hari andi makuru avuga ko umunyezamu Kimenyi Yves w’iyi kipe yambara ubururu n’umweru nawe yaba ari mu biganiro na Kiyovu Sports ku buryo isaaha iyo ariyo yose nawe yahita yerekezamo bagasangamo Samson Babua wavuye muri Sunrise n’ umutoza Karekezi Olivier iyi kipe iheruka gusinyisha.

Irambona Eric agiye kongera gukorana na Karekezi Olivier nyuma y’uko Karekezi yari yaramutoje muri Rayon Sports.

Irambona Gisa Eric yasinye amasezerano y’imyaka ibiri muri Kiyovu Sports


Eric Irambona yari amaze imyaka umunani muri Rayon Sports


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...