AMAKURU

UKWEZI

Kigali: Abafana ba Arsenal batanze inkunga mu kigega Agaciro

Kigali: Abafana ba Arsenal batanze inkunga mu kigega Agaciro
11-08-2018 saa 19:42' | By Vincent Nsengiyumva | Yasomwe n'abantu 2650 | Ibitekerezo

Abafana b’ikipe ya Arsenal mu Rwanda bibumbiye muri (Rwanda Arsenal Fun Club) batanze inkunga mu kigega Agaciro ya miliyoni(1,000,000) y’amafaranga y’u Rwanda bagamije kugira uruhare mu kubaka igihugu.

Icyo gikorwa cyabaye kuri uyu wa Gatanu tariki 10 Kanama 2018 nyuma y’inama y’inteko rusange y’abafana b’iyi kipe iri mu zikunzwe kuri iyi si.

Umuyobozi wa Rwanda Arsenal Fan Club, Apolo Munanura, yavuze ko bahisemo gukora iki gikorwa kugira ngo nabo bajye mu banyarwanda bafite icyo bamariye igihugu cyabibarutse.

Yagize ati “Ikigega Agaciro ni igikorwa cy’ingenzi ku buryo twagihisemo kugira ngo natwe tujye mu banyarwanda bafite icyo bamariye igihugu cyabo binyuze mu nzira yatekerejweho y’Agaciro.”

Si uko gikorwaho gusa aba bafana bakoze kuko basanzwe bagira ibikorwa byinshi byo gufasha abatishoboye n’inshike za Jenocide aho baherutse kubakira inzu umwe mu nshike za Jenocide utishoboye mu karere ka Bugesera.

Bamwe mubo bafashije nabo babaye abafana ba Arsenal, bitabiriye iyo nama y’inteko rusange baboneraho gushimira aba bafana ku bikorwa byiza bakomeje kugaragaza.

Mukagihana utuye mu karere ka Bugesera wafashijwe n’aba bafana yavuze ko abashimira cyane abasaba kuzakomeza kurangwa n’ibikorwa by’ubugiraneza.

Yagize ati "Aba bana batugiriye neza cyane. Mbere twabagaho tunyagirwa ariko baratwubakira baduha isakaro rishya mbere imvura yaragwaga tukimura uburiri ,ariko ubu turaryama mu nzu ntitunyagirwa. Numvishe nkunze aba bana cyane Imana ikomeze ibane nabo kandi ntibazacogore mu bikorwa by’ineza. “

Apolo Munanura, avuga ko iki gikorwa kigomba kuba ngarukamwaka bakajya batanga inkunga mu kigega Agaciro Development Fund mu buryo buhoraho.



INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...