AMAKURU

UKWEZI
cheno 2020

Perezida wa Rayon Sports n’Umuvugizi wayo bafatiwe ibihano na FERWAFA

Perezida wa Rayon Sports n’Umuvugizi wayo bafatiwe ibihano na FERWAFA
10-05-2020 saa 06:09' | By Twagirayezu Vincent | Yasomwe n'abantu 1406 | Ibitekerezo 2

Akanama gashinzwe imyitwarire mu Ishyirahamwe ry’umupira w’amaguru mu Rwanda, FERWAFA kafatiye ibihano Perezida wa Rayon Sports Munyakazi Sadate n’umuvugizi w’iyi kipe Nkurunziza Jean Paul nyuma y’uko bitabye ku kuwa Kane tariki ya 7 Gicurasi 2020 ngo basobanure ibyo batangaje mbere gato na nyuma y’irushanwa ry’igikombe cy’intwari Rayon Sports yanze kwitabira.

Aka kanama kahanishije Perezida Munyakazi guhagarikwa mu bikorwa by’umupira w’amaguru igihe kingana n’amezi atandatu no kwishyura amande y’amafaranga 150,000frw naho Nkurunziza Jean Paul ahagarikwa imikino ine no gutanga amafaranga ibihumbi mirongo itanu.

Mbere y’uko irushanwa ry’Ubutwari ritangira tariki 25 Mutarama rigasozwa tariki ya 01 Gashyantare, umuvugizi wa Rayon Sports Nkurunziza Jean Paul ubwo yaganiraga n’itangazamakuru ku bijyanye no kuba iyi kipe yakwikura mu irushanwa yumvikanye avuga ngo ’FERWAFA ntabwo abafatanyabikorwa bacu ahubwo ni abakozi.’

Ati ”FERWAFA ntabwo ari umufatanya bikorwa wacu, FWRWAFA ni abakozi bacu, bariya mubona…Comite Executif (Komite Nyobozi), Umunyamabanga wayo Regis… ” Aya magambo yatumye inama ya Komite nyobozi ya Ferwafa ivuga ko ibyo Nkurunziza yavuze bizakurikiranwa n’Akanama kabishinzwe.

Iki gikombe cyatwawe na APR FC yasoje iri ku mwanya wa mbere nyuma yo kunganya na Kiyovu Sports yagiyemo isimbuye Rayon Sports.

Tariki ya 08 Gashyantare nibwo FERWAFA yatangaje ibihano byafatiwe Rayon Sports, ibihano bitishimiwe n’iyi kipe bitewe n’uburemere bwabyo ku buryo byazamuye amarangamutima y’umuyobozi wayo Munyakazi Sadate yandika kuri Twitter amagambo yasabaga ubuyobozi bw’iri shyirahamwe ‘kwegura ku mirimo yabo’.

Ati ”Ubuyobozi bwiza bushingira ku cyizere ufitiwe n’abo uyobora, iyo bagutakarije icyizere inzira nziza ushobora guhitamo ni ukwegura. Ntabwo wayobora abantu batakubonamo icyizere, niyo mpamvu mpamya ko iyi nama ariyo nziza ku buyobozi bwa FERWAFA. Mu kuri nta cyizere ugifitiwe… ”

Aya magambo aba bombi batangaje niyo bari basabwe kwisobanuraho. Kuri uyu wa Gatandatu imyanzuro yatangajwe n’Akanama gashinzwe imyitwarire muri FERWAFA ivuga ko Perezida Munyakazi ahanishijwe guhagarikwa mu bikorwa by’umupira w’amaguru igihe cy’amezi atandatu akanacibwa ihazabu y’amafaranga ibihumbi 150frw naho Umuvugizi Nkurunziza agahagarikwa imikino ine akanacibwa ibihumbi 50 by’amafaranga y’u Rwanda (50,000frw).

Perezida Munyakazi akoresheje Twitter yavuze ko yamenyeshejwe iyi myanzuro ndetse avuga ko azatanga ubujurire bwe kuwa Mbere nk’uko yabibwiye Radiyo na TV 10 kuri uyu mugoroba.

Perezida wa Rayon Sports yahagaritswe amezi atandatu mu bikorwa by’umupira w’amaguru

Umuvugizi wa Rayon Sports, Jean Paul Nkurunziza yahagaritswe imikino ine


INKURU ZA :
Tanga Igitekerezo
Ibitekerezo 2
Nando Kuya 12-05-2020

Munyakazi azandika iki mur cv ye koyayoboy rayon sport?? Niyegure peee

eric Kuya 10-05-2020

APR F.C yagaragaje ubutwari reka dutegereze nyuma ya covid-19

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...