AMAKURU

UKWEZI
cheno 2020

Rayon Sports igiye gutangiza televiziyo yayo yitwa ‘Rayon Sports TV’

Rayon Sports igiye gutangiza televiziyo yayo yitwa ‘Rayon Sports TV’
25-12-2019 saa 14:42' | By Nsanzimana Ernest | Yasomwe n'abantu 3776 | Ibitekerezo 1

Ikipe ya Rayon Sports benshi isanzwe izwiho kugira abafana benshi igiye guca agahigo ko kuba ikipe ya mbere mu Rwanda igize televiziyo yayo.

Ubuyobozi bwa Rayon Sports bwasinyanye amasezerano y’imikoranire n’ikigo cy’itangazamakuru n’itumanaho ‘Tele 10 Group’, amasezerano azatuma hashingwa Televiziyo ya Rayon Sports ikorera kuri ‘Internet’.

Kuri uyu wa Kabiri tariki 24 Ukuboza 2019 nibwo aya masezerano yashyizweho umukono n’umuhuzabikorwa mukuru wa Tele 10 Group Sarah Ubben na Munyakazi Sadate uyobora Rayon Sports.

Mu masezerano hakubiyemo ko Tele 10 Group izubakira Rayon Sports televiziyo ikorera kuri Internet izajya ikora amasaha 24 izitwa Rayon Sports TV, igatunganya amashusho yose azajya yerekanirwa kuri iyi televiziyo imbonankubone.

Tele 10 Group izakoresha urubuga rwayo rwitwa NGTV ruboneka kuri ngtv.rw no kuri Google Play Store ku buntu. Biteganyijwe ko Rayon Sports TV izatangira kwerekana amashusho yihariye (Exclusive) ya Rayon Sports mu mpera za Mutarama 2020.

Ifatabuguzi kuri iyo televiziyo rizajya riba ari 200 FRW ku munsi, 800 FRW ku cyumweru na 1500 FRW ku kwezi. Amafaranga azajya yinjira, azajya avanwaho amafaranga ajya muri Rayon Sports.

TELE10 Group ni ikigo gikorera mu Rwanda guhera mu 1995 kikaba gifite ibikorwa bitandukanye birimo Radio10 na TV10, bakanasakaza amashusho ya Canal+ na DSTV.


INKURU ZA :
Tanga Igitekerezo
Ibitekerezo 1
Janvier Kuya 25-12-2019

Baradutindiye ahubwo.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...