AMAKURU

UKWEZI
ubumwe

U Rwanda rutsindiye Seychelles iwabo 3-0

U Rwanda rutsindiye Seychelles iwabo 3-0
5-09-2019 saa 16:16' | By Nsanzimana Ernest | Yasomwe n'abantu 1200 | Ibitekerezo 2

Ikipe y’ Igihugu y’ umupira w’ amaguru mu Rwanda Amavubi itsindiye ikipe y’ igihugu cya Seychelles iwabo, umukino wo kwishyura uteganyijwe mu minsi iri imbere.

Uyu mukino wabaye kuri uyu wa Kane tariki 5 Nzeri 2019 wabaye mu gihe ikipe y’ u Rwanda Amavubi itabonye umwanya uhagije wo kwitegura kuko yatinze kubona umutoza ngo ahamagare abakinnyi bitegure uyu mukino.

Nubwo iyi kipe y’ abasore b’ u Rwanda yahamagawe hasigaye ibyumweru bitageze kuri bibiri ngo uyu mukino ube ntibyabujije abasore b’ u Rwanda kwitwara neza no gukura intsinzi ku ikipe ya Seychelles.

Igitego cya mbere cy’ Amavubi cyatsinzwe na Hakizimana Muhadjiri ku munota wa 31 w’ umukino ku ishoti rifite imbaraga yatereye muri nka metero 20 imbere y’ izamu rya Seychelles.

Ku munota wa 35 Yannick Mukunzi yatsindiye Amavubi igitego cya 2 ku ishoti ry’ umutwe ku mupira wari uvuye muri koruneli.

Ku munota wa 79 , Kagere Meddy yatsinze igitego cya 3 cy’ Amavubi umukino w’ u Rwanda na Seychelles mu majonjora yo gushaka tike y’ igikombe cy’ Isi cya 2022 urangira ari 3 by’ u Rwanda ku busa bwa Seychelles.

Ku munota wa 84 w’ umukino Kagere Meddy yahise asimburwa na Sugira Ernest.

Ntabwo abakunzi b’ Amavubi baherukaga kubyina intsinzi kuko intsinzi Amavubi yaherukaga ari iyo u Rwanda rwatsinze Misiri 3-2.

Abakinnyi b’ ikipe y’ igihugu Amavubi bari hagati y’ imyaka 33 na 17. Ufite 17 ni Muhire Kevin naho ufite 33 ni Kagere Meddy abenshi bafite imyaka iri muri 20. Abenshi mu bakinnyi bakinnye uyu mukino ni abasore b’ u Rwanda bakina hanze dore ko mu bakina imbere mu gihugu abakinnye uyu mukino ari 3 gusa.


INKURU ZA :
Tanga Igitekerezo
Ibitekerezo 2
tumukunde vi Kuya 5-09-2019

feresitasiyokubaso reburwandatwishi miye insinziyurwa ndapebakomereze aho

tumukunde vi Kuya 5-09-2019

feresitasiyokubaso reburwandatwishi miye insinziyurwa ndapebakomereze aho

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...