AMAKURU

UKWEZI
ubumwe

UEFA : Liverpool itwaye igikombe itsinze umukino waranzwe n’ udushya turimo umugore wambaye ubusa [AMAFOTO]

UEFA : Liverpool itwaye igikombe itsinze umukino waranzwe n’ udushya turimo umugore wambaye ubusa [AMAFOTO]
2-06-2019 saa 00:29' | By Nsanzimana Ernest | Yasomwe n'abantu 3499 | Ibitekerezo

Ikipe ya Liverpool yegukanye igikombe cya 6 cya UEFA Champions League nyuma yo gutsinda Tottenham Hotspurs F.C ibitego 2-0 birimo icyabonetse ku munota wa 1 w’ umukino.

Ni umukino wabaye kuri uyu wa 1 Kamena 2019, ukaba ari umukino waranzwe n’ ishyaka ryinshi ku ikipe ya Tottenham Hotspurs nubwo utayihiriye. Iyi kipe niyo yahererekanyije umupira cyane ariko kureba mu izamu byayibereye ingorabahizi kuko umutoza wa Liverpool yari maso cyane.

Ku munota wa 1’48’’ w’ umukino nibwo ikipe ya Liverpool yabonye igitego cya mbere cyatshinzwe na Mohamed Sarah kuri penaliti yakozwe na Moussa Sissoko. Iki gitego nicyo gitego cya kabiri kihuse mu mateka ya UEFA champions League nyuma y’ icyatsinzwe na Paulo Martins mu masegonda 50 y’ umukino.

Uretse agashya ko kuba uyu mukino wabonetsemo igitego ku munota wa mbere w’ umukino akandi gashya kabonetse ni uko mu minota 30 y’ umukino hari umugore wambaye ubusa hasi yanyuze mu kibuga hagati, ku murongo ugabanya ikibuga mo kabiri, umukino uri kuba.



Uyu mugore yanyuze mu kibuga hagati yambaye bikini ubwo umukino wari urimbanyije

Amashusho y’ uyu mugore wanyuze mu kibuga cya sitade cya sitade y’ I Madrid yakiriye umukino wa nyuma y’ igikombe cy’ amakipe yabaye ayambere iwayo ntabwo yamaze amasegonda arenze atanu ku matereviziyo yerekanaga uyu mupira. Ishyirahamwe ry’ umupira w’ amaguru ku Isi FIFA ryahaye aya mateleviziyo amabwiriza y’ uko ishyano ribereye kuri sitade mu mupira w’ amaguru atemerewe kuricishaho.

Liverpool yakiniye umukino wo kurinda izamu cyane no kunyuzamo ikiba umugono abakinnyi b’ ikipe ya Totten ham. Ku munota wa 38, umukinnyi wa Liverpool Andrew Robertson yahushije igitego cyari cyabazwe ku ishoti rikomeye cyane yashose umuzamu wa Totten ham akoraho umupira unyura hejuru y’ umutambiko w’ izamu.

Uyu mukino wa nyuma Totten Ham yagezeho nyuma yo gutsinda ikipe ya Ajax, wabereye muri sitade ya gatatu mu mujyi wa Madrid yakira abantu 67 800.

Amakipe yombi yagiye kuruhuka ari igitego kimwe cya Liverpool ku busa bwa Totten ham. Ku munota wa 73 Totten Ham yashyizemo Eric Didier asimbuye Moussa Sissoko wakoze penaliti mu buryo bwamutunguye agatuma igipe ye itangira umukino itsindwa.

Ku munota wa 87 w’ umukino kuri pase yari aherewe mu rubuga rw’ amahina Divock Origi yatsinze igitego cya kabiri cya Liverpool umukino urangira , iyi kipe ihita yegukana igikombe cya 6 cya UEFA champions League.

Liverpool yatwaye igikombe cya mbere cya UEFA champions League mu 1977, icya kabiri yagitwaye mu 1978, icya gatatu yagitwaye mu 1981, wagitwaye ku nshuro ya kane mu 1984, yaherukaga ku gitwara muri 2005 itsinze kuri Penaliti ikipe ya AC Milan.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...