konka coffee
KONKA

AMAKURU

UKWEZI

Mu Rwanda hagiye kongera gutangwa ubuvuzi ku bantu badidimanga

Mu Rwanda hagiye kongera gutangwa ubuvuzi  ku bantu badidimanga
9-04-2018 saa 15:41' | By Vincent Nsengiyumva | Yasomwe n'abantu 1533 | Ibitekerezo

Kaminuza ya Florida Atlantic yo muri Leta Zunze Ubumwe z’Amerika, ku bufatanye n’ikigo Nyafurika cy’ubushakashatsi ku bijyanye n’imbogamizi zo kudidimanga (African stuttering Research Center) bagiye kongera gutanga ubuvuzi ku bantu bavuga badidimanga (Speech Therapy) mu Rwanda, kandi ku buntu.

Kudidimanga n’imbogamizi ibaho iyo umuntu avuga ategwa, cyangwa asubiramo amagambo amwe n’amwe ku buryo hari igihe usanga gusobanura icyo ashaka kuvuga bimugora.

Ubushakashatsi bwerekanye ko umuntu umwe ku bantu ijana (1/100) avuga adidimanga, ubu kw’Isi yose hakaba habarurwa abantu bagera kuri Miliyoni 70 bafite iki kibazo cyo kuvuga badidimanga.

Dukurikije iyo mpuzandengo y’umuntu umwe ku bantu ijana, mu Rwanda hashobora kuba hari abantu barenga ibihumbi 100 bafite iki kibazo cyo kuvuga badidimanga.

Iyi gahunda yo guha ubuvuzi abantu bavuga badidimanga mu Rwanda igiye kongera gukorwa ku nshuro yayo ya gatatu.

Ni ubuvuzi bukorwa hifashishijwe mudasobwa, zifasha mu guhuza umuganga w’inzobere mu bijyanye no kudidimanga, n’umuntu uvuga adidimanga, hanyuma umuganga akamenya ikimutera kudidimanga, ndetse n’uburyo yakwikura muri izo mbogamizi.

Mu bushakashatsi bwakozwe n’ikigo cyo muri Leta Zunze Ubumwe z’Amerika kitwa “ASHA” kigenzura ibijyanye n’ibikorwa by’ubuvuzi, bwemeje ko uburyo bwo kuvura kudidimanga hakoreshejwe ikoranabuhanga butanga icyizere gikomeye n’umusaruro ushimishije.

Ikigo Nyafurika cy’Ubushakashatsi, ku bijyanye n’ikibazo cyo kudidimanga kikaba gikangurira abantu bavuga badidimanga, kwitabira iyi gahunda kugira ngo ntibacikwe n’aya mahirwe bahawe.

Abifuza ubu bufasha bwo kuvurwa ubu burwayi bashobora kubaza kuri e-mail: africanstutteringcenter@gmail.com bitarenze tariki 15 Mata 2018, kugira ngo babahuze n’izo mpuguke z’abaganga, kandi byose bikaba bizakorwa nta kiguzi.

Dr ​​Dale Williams, umuganga akaba n’umwarimu muri Kaminuza ya Florida Atlantic na mugenzi we Shaye Drake, bari gutanga ubuvuzi ku muntu wari mu Rwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...