konka coffee
KONKA

AMAKURU

UKWEZI

Kinyinya: Abanyamuryango ba RPF Inkotanyi bahize kuza ku isonga mu matora y’Abadepite

Kinyinya: Abanyamuryango ba RPF Inkotanyi bahize kuza ku isonga mu matora y’Abadepite
24-07-2018 saa 14:10' | By Vincent Nsengiyumva | Yasomwe n'abantu 595 | Ibitekerezo 1

Abanyamuryango ba RPF Inkotanyi bo mu murenge wa Kinyinya mu karere ka Gasabo, bakoze inteko rusange y’umuryango bahiga kuzagira amajwi menshi kurusha indi mirenge mu gushyigikira abakandida biyamamariza imyanya y’Abadepite batanzwe n’umuryango.

Ibi aba banyamuryango ba RPF Inkotanyi bo mu murenge wa Kinyinya babigarutseho ku gicamunsi cyo kuri iki Cyumweru tariki ya 22 Nyakanga 2018 mu Nteko rusange iterana rimwe mu myaka ibiri.

Muri iyi Nteko rusange, abayobozi b’uyu muryango bose kuva ku murenge kugera ku mudugudu bahuriye hamwe n’abanyamuryango mu rwego rwo kureba ibyagezweho no gufata ingamba zo kunoza ibisigaye kugerwaho muri aya mezi 5 asigaye.

Mu kurebera hamwe ibya bagezeho muri iyi myaka 2, bashimye cyane ubukangurambaga bwakozwe mu murenge wabo mu matora aheruka y’umukuru w’igihugu, ibintu bavuga ko byatumye umurenge wabo ugira amajwi agera kuri 99,96%.y’abatoye Perezida Kagame.

Chairman w’uyu muryango mu murenge wa Kinyinya, Mutsindashyaka Andre, yavuze ko muri iyi myaka 2 bageze kuri byinshi bitandukanye, ariko muri byo bakaba bishimira byimazeyo ubukangurambaga bwakozwe mu murenge wabo, bwatumye abanyamuryango biyongera mu buryo bugaragara aho kuri ubu bamaze kugera ku kigereranyo cya 96% by’abatuye uyu murenge wacu.

Abayobozi b’utugali n’imidugugu bakoze neza bahawe ibikombe

Yagize ati "Twasanze mu byo twagezeho twarageze ku bikorwa byinshi bitandukanye, ariko icyo twishimira ni ubukangurambaga bwakozwe aho abanyamuryango biyongereye kuko tugeze ku bagera kuri 96% mu murenge wacu. Twarebeye hamwe ibyo twagezeho harimo amatora ya Nyakubahwa Perezida wa Repubulika, hano mu murenge wacu abanyamuryango bakoze ubukangurambaga bushimishije kuko twamutoye ku kigereranyo cya 99,96%."

Chairman yavuze ko mubyo bakoze muri iyi myaka ibiri harimo imihanda bubatse mu bice bitandukanye by’umurenge, ibiraro, Ibiro bya Sitasiyo ya Polisi , inyubako ebyiri z’umurenge Sacco, hashyizweho gahunda yo kwizigamira igice kuri buri muturage aho bamaze kwizigamira miliyoni zisaga 90 n’ibindi bitandukanye.

Yavuze ko mu byo biteguye gukora bahize muri uyu mwaka harimo ukuzarusha indi mirenge mu matora y’Abadepite ari muri Nzeri uyu mwaka ku buryo biteguye kuzatora 100%.

Yagize ati "Mu byo dusigaje gukora uyu mwaka harimo kuzatsinda amatora y’Abadepite. Kuba ubwabyo dufite abanyamuryango bangana na 96 by’abatuye muri uyu murenge ,ayo ni amajwi twizeye ko dufite adashidikanwaho kandi twizeye ko mu bukangurambaga buzakorwa 4 gasigaye nako tuzakigarurira mu gihe kwamamaza bizaba byatangiye bivuze ko twizeye kuzatsinda 100%."

Dr Habumuremyi Pierre Damien, umwe mu bavandimwe Komiseri b’umuryango wa RPF inkotanyi ku rwego rw’igihugu yashimye imikorere y’ubuyobozi bw’umuryango mu murenge wa Kinyinya avuga ko agomba gushishikariza indi mirenge kuwufatiraho isomo.


INKURU ZA :
Tanga Igitekerezo
Ibitekerezo 1
john Kuya 26-07-2018

uyu ntabwo ari umuhigo rwose kuko nubundi FPR niyo ifite imyanya myinshi mu nteko rero uyu si umuhigo bahize rwose

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...