konka coffee
KONKA

AMAKURU

UKWEZI

AMAFOTO: Humble Jizzo n’umugore we bamaze kwerekeza muri Amerika

AMAFOTO: Humble Jizzo n’umugore we bamaze kwerekeza muri Amerika
15-12-2017 saa 21:31' | By Akayezu Jean de Dieu | Yasomwe n'abantu 4018 | Ibitekerezo

Ku mugoroba wo kuri uyu wa Gatanu tariki 15 Ukuboza 2017, nibwo umuhanzi Humble Jizzo, umwe mu bagize itsinda rya Urban Boyz yahagurutse ku kibuga cy’indege mpuzamahanga cya Kigali ari kumwe n’umugore we aho bagiye muri Leta zunze ubumwe za America muri gahunda zirimo no kwitegura umwana wabo wimfura

Humble Jizzo n’umugore we Amy Blauman bamaze iminsi mu bihe byo kwitegura kwakira imfura yabo y’umukobwa ari nabyo byatumye bafata umwanzuro wo guhagarika ubukwe bagombaga gukora mu Ukuboza 2017.

Aganira n’itangazamakur mbere yo gufata rutemikirere, Humble Jizzo yavuze ko zimwe muri gahunda zimujyanye muri America we n’umugore we harimo kuba bagiye kwitegura imfura yabo, kuba Humble agiye kubonana n’abagize umuryango wa Blauman ndetse no kubagezaho imishinga yabo irimo ubukwe bazakora nyuma yo kwibaruka

Humble Jizzo kandi wari uherekejwe na bamwe mu bagize umuryango we ndetse n’inshuti ze zirimo na Nizzo Kaboss baririmbana muri Urban Boyz, yavuze ko n’ubwo agiye muri America akazi kajyanye n’umuziki we muri Urban Boyz karakomeza harimo kuba bafite amashusho y’indirimbo yabo arasohoka mu minsi ya vuba ndetse n’indi mishinga assize igiye kurangira irimo n’indirimbo nshya bagiye gushyira hanze mu minsi ya vuba.

Humble Jizzo kandi yavuze ko aramara igihe kingana n’amezi abiri cyangwa nayo akaba yarengaho kimwe n’uko ashobora kugerayo akabonana na bamwe mu bahanzi b’abanyarwanda bakorera muzika muri Amerika bakaba bagira imishinga bakorana irimo n;indirimbo

Aba bombi bamaranye imyaka itatu bakundana. Uyu mukobwa yaje mu Rwanda mu mwaka wa 2014 ubwo yakoraga ubushakashatsi ku byo yize mu cyiciro cya gatatu cya kaminuza, yatangiye akorera cyane mu Mujyi wa Rusizi ari naho yamenyaniye na Humble Jizzo ubwo Urban Boyz yari yagiye kuririmbirayo muri Primus Guma Guma Super Star.

Humble Jizzo yambitse Amy Blauman impeta y’urukundo ubwo barimo bafata amashusho y’indirimbo ‘Do You Know’ bahuriyemo kuwa 14 Gashyantare 2017. Aba bombi kandi bahise biyereka umuryango wa Humble Jizzo nawo ubaha umugisha kugeza ubu hakaba hasigaye abo mu muryango wa Blauman ari na kimwe mu bibajyanye muri Amerika
AMAFOTO:Bunani Janvier


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...