AMAKURU

UKWEZI

Ibyamamare bya Afurika mu rwenya bizahurira I Kigali mu iserukiramuco rimaze umwaka ritegurwa

Ibyamamare bya Afurika mu rwenya bizahurira I Kigali mu iserukiramuco rimaze umwaka ritegurwa
10-03-2018 saa 14:58' | By Akayezu Jean de Dieu | Yasomwe n'abantu 1752 | Ibitekerezo

Abahanzi bakomeye muri Afurika mu mukino wo gusetsa (Comedy), barimo Mamito, Eric Omondi, Captain Khalid bagiye guhurira I Kigali mu iserukiramuco rya ‘Seka Festival’ rizaba mu buryo budasanzwe harimo n’ibitaramo bizabera mu modoka zitwara abagenzi bakagenda basetswa n’abanyarwenya batandukanye.

Iri serukiramuco ryateguwe n’umunyarwenya ukomeye hano mu Rwanda, Nkusi Arthur uzwi ku izina rya Rutura, rizaba Tariki 24 Werurwe 2018, ribere mu mamodoka atwara abagenzi (Bus) rikazasozwa n’igitaramo kizwi nka Seka Live kizaba umunsi ukurikiyeho kuwa 25 Werurwe, muri Camp Kigali ahazwi nka Kigali Exhibition and Conference Village.

Mu kiganiro na Ukwezi.com, Nice Budandi ari nawe mujyanama wa Nkusi Arthur yavuze ko iri serukiramuco ryateguwe kuva muri Werurwe 2017 aho kuva icyo gihe bari baziko bazarikora ndetse ngo uko Arthur yajyaga mu bihugu byo hanze mu bitaramo yavagayo agiranye amasezerano n’abanyarwenya baho abateguje kuzitabira ibi bitaramo.

Nice Budandi yavuze ko mu mihanda izakoreshwa harimo imodoka izaba iva Kimironko yerekeza mu Mujyi, hari kandi izava Kacyiru ijya mu Mujyi, hakabaho n’imodoka izajya iva Kanombe-Remera ikomeza mu Mujyi, hakaza Kicukiro mu Mujyi ndetse na Nyamirambo mu Mujyi.

Uburyo ibi bitaramo bizakorwamo;
izi modoka zizajya ku byapa ahategerwa imodoka zijye ku murongo nk’uko bisanzwe abantu baze binjire aho muri iyi modoka hazaba harimo abakinnyi ba Comedy babiri cyangwa batatu bagenda basetsa abazajya batega iyi modoka. Izi modoka rero ngo zizajya zijyana abantu zibageze aho basigaraga hanyuma zikomeze zigarure abandi gutyo gutyo kugeza ku mugoroba

Ku bijyanye n’abanyarwenya bazasusurutsa abazatega izi modoka, Nice Budandi yabwiye Ukwezi.com ko kugeza ubu abamaze kwiyandikisha ni 60 hazatoranywamo 15 bazakoresha muri bus, muri aba bazasusurutsa abagenzi kandi ngo harimo babiri bazitwara neza bazatoranywa bagahabwa iminota itanu ku rubyiniro bagafasha ibyamamare bizaba byaturutse hanze y’u Rwanda. Iserukiramuco ribaye ku nshuro yaryo ya mbere hano mu Rwanda rizitabirwa n’ibyamamare mu gusetsa

Mu bazitabira iri serukiramuco barimo ; Umunyarwenyakazi wo muri Kenya uzwi ku izina rya Mamito, hakaza Captain Khalid wo muri Tanzania, Kigingi w’i Burundi, Idris Sultan wo muri Tanzania, Eric Omondi wo muri Kenya , Salvador wo muri Uganda, bivugwa ko hari ibiganiro biteganyijwe kuba hagati y’abateguye na Anne Kansiime nawe akaba ashobora kuzitabira iri serukiramuco rya ‘Seka Festival’

Ku bijyanye no kwinjira muri Seka Fest ku bantu bazakoresha ubu buryo bwo kugenda mu modoka zitwara abagenzi (Bus), bazajya bishyura hakoreshejwe uburyo busanzwe bishyura aho ukoza ikarita ku cyuma hakavaho amafaranga 500, mu gihe ubusanzwe havagaho nka 200Frw bitewe n’aho uri kwerekeza.

Ibiciro byo kwinjira mu gitaramo kizaba umunsi ukurikiyeho ari nacyo kizitabirwa n’ibyamamare bya Afurika mu mukino wa Comedy, Abanyeshuri bazashyirirwaho Iyumweru cyo kugura amatike yo kwinjira ku bihumbi bibiri aho bazajya bayasangishwa no ku bigo by’amashuri bigaho

Abasanzwe batari muri iki cyiciro bo bazishyura ibihumbi bitanu(5000Frw), ndetse n’abazicara mu myanya y’icyubahiro bazishyura ibihumbi icumi (10, 000Frw). Hari n’ikindi cyiciro cy’abazigura imeza yo kwicaraho ari nk’umuryango cyangwa inshuti zasohokanye (aha bashobora kuba barenze na 10).

Nice Budandi wamuhamagara kuri iyi numero 0788675792 ku bantu bakeneye kugura ameza (Table), aho bakubwira igiciro bagendeye kubyo wifuza bizaba biri kuri iyi table.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...