konka coffee
KONKA

AMAKURU

UKWEZI

N’imodoka yananiye kuyikoresha, ndakennye sinshaka umukobwa wo kwicisha inzara muri ghetto - Senderi

N’imodoka yananiye kuyikoresha, ndakennye sinshaka umukobwa wo kwicisha inzara muri ghetto - Senderi
4-01-2018 saa 09:16' | By Vincent Nsengiyumva | Yasomwe n'abantu 7106 | Ibitekerezo 2

Umuhanzi Nzaramba Eric uzwi nka Senderi International Hit yahakanye yivuye inyuma amakuru avuga ko yaba agiye kurongora, avuga ko ari ibihuha biri gukwirakwizwa n’abo yita abanzi be, ngo kuko nta gahunda yo kurongora afite cyane ko nta byo gutunga umugore yabona.

Ibi yabigarutseho nyuma y’uko bimwe mu bitangazamakuru byanditse ko yaba agiye kurongora nyuma y’uko umuraperi Ama G the Black uherutse kurushinga na Uwase Liliane, amusabye ko nawe yagira icyo yibwira ngo kuko arambiranye.

Iby’uko Senderi yaba agiye kuva mu buseribateri nawe akarongora byatangiye guhwihwiswa nyuma y’uko hagaragaye amafoto ari kumwe n’inkumi basa n’abari mu buryohe bw’urukundo aho n’imyambarire yabo yagaragazaga ko ari nk’abantu bakundana.

Mu kiganiro kirambuye ikinyamakuru Ukwezi.com cyagiranye na Senderi Hit, yahakanye aya makuru y’uko yaba agiye kurongora avuga ko nta n’agahunda yabyo afite ngo kuko ari mu bukene budasanzwe bityo ko atazana umukobwa w’abandi muri uwo muruho.

Ubwo yabazwaga ukuri ku biri kuvugwa ko yaba agiye kurongora yagize ati “Ibyo ni iby’ abantu baba bamaze guhaga bakavuga bakanandika.Njyewe ndongora se hari umugore ngira? Abo ngabo ni ababona mpagararanye n’abakobwa b’abafana banjye cyangwa ndi ahantu mu miryango ngo dore abagore ba Senderi.Ibyo ndabimenyereye nta n’icyo binambwiye n’injya kurongora uzabimenya kuko hari ibimenyetso 10 bizakwereka ko ngiye kurongora.”

Yakomeje avuga ko nta na gahunda yo kurongora afite vuba aha ngo kuko afite ubukene budasanzwe kandi akaba atakemera kuzana umukobwa w’abandi wo kwicisha inzara kuko abona nta byo kumutunga yabona.

Ati “Ndarongora, ndacyennye n’imodoka iheze mu igaraji yananiye kuyikoresha, ndarongora ndikugenda n’amaguru ubwo se umukobwa wanyemera n’inde?Singiye kuzana umuntu w’abandi ngo yicirwe n’inzara mu ma ghetho yanjye.”

Senderi akomeza avuga ko amakuru yo kurongora ari ibinyoma biri gukwirakwizwa n’abo yise za Haduyi[hadui] ziba zishaka kumuca intege no kumusubiza inyuma ngo kuko n’amafoto bashingiraho babivuga ari ayo abakobwa bari baherekeje umugeni wa Ama G bamwifotoreho kandi ngo atanabazi.

Ati “ Bariya ni abakobwa nasanze mu bukwe bwa Ama G bari bamwambariye sinanabazi ahubwo noneho. Baje kunyifotorezaho nk’umu star, nanaguha amafoto y’abakobwa 27 banyifotorejeho hariya. Uhuye nayo rero avuga ko ari abagore banjye. N’uwo muntu wanyifotorejeho bavuga simuzi.”

Senderi Hit amaze mu muziki imyaka igera kuri 25, amaze guhatanira irushanwa rya PGGSS inshuro eshatu ariko ntiyigeze aritsinda. Kuva yakwinjira muri PGGSS yavugaga ubudasiba ko nadatwara iryo rushanwa atazashaka umugore ngo kuko ari isezerano yagiranye n’Imana.

Ibi ntibyamuhiriye kuko hahise havugururwa amategeko agenga iryo rushanwa hakongerwamo ingingo ikumira abahanzi baryitabiriye inshuro eshatu. Ibi byazitiye Senderi guhera mu 2016 no mu myaka yindi.

Uyu niwe mukobwa byahwihwiswaga ko ari mu rukundo na Senderi, n’ubwo we yabihakanye yivuye inyuma

Senderi ngo afite ubukene n’inzara byamarwa no gusubizwa muri PGGSS

Senderi uzwi nk’umunyadukoryo avuga ko kurongora kwe biri kure nk’ukwezi ngo kuko adashaka kuzana umugore wo kwicisha inzara


INKURU ZA :
Tanga Igitekerezo
Ibitekerezo 2
Ndagusetse Kuya 4-01-2018

Ubukene se bubuzumuntu kurongora mulikigihe? Ubuse safi yarumukire? Haricyoyakurushaga? Ikibazo ahubwonuko utakwibashiriza akazi ntumenye gupfubura, kondeba urumugore nkanjye undusha namataye, wananiwe guteruricyuma ngubumusore nkabandi nonenguzamenya kurongora ????? Ndagushinyitse mada

Hit Kuya 4-01-2018

Uzaze nkwirongorere nzagutunga senderi we

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...