AMAKURU

UKWEZI

Radio wo muri Goodlife amerewe nabi nyuma yo guhondagurirwa mu Kabari

Radio wo muri Goodlife amerewe nabi nyuma yo guhondagurirwa mu Kabari
23-01-2018 saa 13:10' | By Vincent Nsengiyumva | Yasomwe n'abantu 1897 | Ibitekerezo

Umuhanzi ukomeye cyane muri Uganda, Moses Nakintije Ssekibogo uzwi ku mazina ya Mowzey Radio wo mu itsinda rya Goodlife amerewe nabi nyuma yo gukubitirwa mu Kabari ko mu mujyi wa Kampala kitwa Freedom City’s Sky Beach Lounge mu mirwano yatewe n’ubushyamirane bw’abo bari kumwe.

Mowzey Radio wo mu itsinda rya Goodlyfe yakubiswe mu ijoro ryo kuri uyu wa mbere tariki ya 22 Mutarama, aho yahise ajyanwa mu ivuriro riri hafi y’aho imirwano yabereye, kugeza magingo aya akaba amerewe nabi cyane nk’uko ikinyamakuru Uganda Blizz kibitangaza.

Abari muri aka kabari kabereyemo imirwano batangarije iki kinyamakuru ko Radio yakubitiwe mu ijoro ryakeye akaba yajyanwe kwa muganga mu masaha ya saa kumi z’igitondo aho ari gukurikiranwa n’abaganga kuko ubuzima bwe butameze neza.

Amakuru aturuka mu ivuriro uyu muhanzi arwariyemo avuga ko kugeza magingo aya atarabasha no kuvuga, akaba akimerewe nabi cyane, abaganga bakaba bari gukora ibishoboka byose ngo baramire ubuzima bwe.


Umuhanzi Radio amerewe nabi nyuma yo guhondagurirwa mu Kabari


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...