konka coffee
KONKA

AMAKURU

UKWEZI
Minijust

Sergeant Robert uherutse gukora indirimbo y’arenga miliyoni ‘umuziki nturatangira kumwinjiriza’

Sergeant Robert uherutse  gukora indirimbo y’arenga miliyoni ‘umuziki nturatangira kumwinjiriza’
6-03-2019 saa 13:14' | By Nsanzimana Ernest | Yasomwe n'abantu 2303 | Ibitekerezo 1

Umuhanzi Nyarwanda ubifatanya n’ igisirikare Kabera Robert abenshi bamenye ku izina rya Sergeant Robert ngo mu myaka irenga 20 amaze mu muziki awushoramo ariko ntaratangira gusasura.

Uyu muhanzi aherutse gushyira ahagaragara indirimbo y’ amajwi n’ amashusho yitwa ‘Happy Solidier’ bivuze ‘umusirikare wishimye’. Sergeant Robert yabwiye UKWEZI ko yakoze iyi ndirimbo ashaka gusubiza abantu bahora bamubaza uko ahuza inshingano z’ igisirikare n’ inshingano z’ ubuhanzi.

Ati “Ni ukuvuga ngo ku ntambara mba nkaze, mu bihe by’ amahoro nkishima, ngafatanya n’ abaturage kubaka igihugu”

Iyi ndirimbo iri mu njyana ibyinitse ndetse inagaragaramo indege ya gisivile. Amashusho y’ iyi ndirimbo yafatiwe ahantu hatandukanye harimo no ku kibuga cy’ indege mpuzamahanga cya Kigali i Kanombe. Ngo kuyikora byatwaye miliyoni n’ ibihumbi 200.

Yagize ati “Happy Solidier urabona harimo gukodesha kujya mu kibuga cy’ indege, gufata amashusho atandukanye nka hariya ha tennis, kwishyura producer, urumva ko bitoroshye uretse ko nagiye ngira aho bagiye bampa umusanda naho ubundi byageze muri miliyoni n’ ibihumbi 200”

Sergeant Robert, kuri ubu ufite ipeti rya Sergeat Major yamenyekanye mu ndirimbo nka ‘Impanda’, ‘Serious’, na ‘military love’ yatubwiye ko amaze imyaka 24 mu muziki, gusa ngo umuziki awukora nko kwishimisha ntabwo uratangira kumwinjiriza amafaranga ariko biri hafi.

Ati “Mu 1996 nibwo natangiye muzika. Njyewe sindagera igihe cyo gufata amafaranga y’ ubuhanzi, nkora umuziki nka entertainment, ntabwo mbikora nk’ umwuga. Byakwitwa ko ari igihombo ariko ntabwo ari igihombo urebye”

Uyu muhanzi avuga ko imyaka agize asatira kuva mu gisirikare akajya mu kiruhuko cy’ izabukuru nko mu myaka itatu iri imbere. Ngo namara kuva mu gisirikare nibwo azatangira gukora umuziki nk’ umwuga age ashyira ahagaragara indirimbo nyinshi abyaze umusaruro umuziki.

Indirimbo z’ uyu muhanzi zirakundwa cyane zigacurangwa no mu tubari, avuga ko hagize umutumira nko mu kabyiniro ngo age kuririmba indirimbo zirimo inshya imbyinitse yitwa ‘Happy Solidier’ yajyayo.




INKURU ZA :
Tanga Igitekerezo
Ibitekerezo 1
BC Kuya 7-03-2019

ndagukunda cyane robert courage kbs

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...