konka coffee
KONKA

AMAKURU

UKWEZI

Menya amayeri mashya y’ubutekamutwe yadutse i Kigali, arimo ubwenge buhanitse

Menya amayeri mashya y’ubutekamutwe yadutse i Kigali, arimo ubwenge buhanitse
15-01-2017 saa 06:44' | By Chief Editor | Yasomwe n'abantu 54581 | Ibitekerezo 33

Aha Polisi y’u Rwanda yerekaga abanyamakuru bamwe mu batekamitwe bakoresha telefone mu kwiba abantu

Uko iterambere mu by’ikoranabuhanga rigenda rigera mu Rwanda, ninako rifasha abafite imigambi mibisha mu bikorwa by’ubujura n’ubutekamutwe. Ubu ubujura bwinshi mu mujyi wa Kigali, usanga atari ubukoresha imbaraga, ahubwo ubujura bushukana nibwo bumaze gutera imbere, kandi ababukora bagaragara nk’abasirimu, biyubashye kandi ntibashaka gutekera umutwe abatajijutse gusa, buri wese atagize amakenga yashiduka bamwibye akumirwa.

Ikinyamakuru Ukwezi.com cyagiye cyakira ubuhamya bw’abantu batandukanye batekewe umutwe, kiganira n’abashinzwe umutekano batandukanye mu mujyi wa Kigali, gikusanya amwe mu mayeri mashya abantu bakwiye kwitondera asigaye akoreshwa n’abatekamutwe.

1. Abataye ibyangombwa basigaye babashuka bakabiba amafaranga, bakabura byose.

Hari sitasiyo ya Polisi mu mujyi wa Kigali, ikinyamakuru Ukwezi.com cyagezeho, kihasanga umusore wari ufunzwe azira gutekera umutwe abantu batanga amatangazo kuri radiyo bavuga ko bataye ibyangombwa binyuranye. Umupolisi twahasanze, yadutangarije ko uwo musore ari mu batekamutwe batega amatwi amatangazo yo kurangisha kuri radiyo, bakumva abantu bataye ibyangombwa binyuranye hanyuma bakandika nimero zabo za telefone, nyuma bakabahamagara bababeshya ko babitoraguye, kandi ko bari kure cyane ya Kigali mu byaro bya kure, bakabasaba kuboherereza amafaranga kuri Mobile Money cyangwa Tigo Cash, kugirango babashe kubona ayo bategesha babibazaniye.
Iyo wamaze kuyoherereza umuntu nk’uwo, ngo aba ashobora kongera kuguhamagara bucyeye akakubeshya ko yageze aho ategera imodoka bakamwiba none akaba atabashije kukugeraho, kuko uba ukeneye ibyangombwa byawe ukongera ukamwoherereza andi hanyuma kuva ubwo telefone agahita ayikuraho kuko baba bafite ama nimero atagira ingano bakoresha mu butekamutwe, ukabura ibyangombwa byawe ukabura n’amafaranga.

2. Abashomeri basigaye bibwa n’abo babona nk’abasirimu baba bafite n’amamodoka.

Kubwira umushomeri muri iki gihe ko wamufasha kubona akazi, ni nko gukoza agati mu ntozi kuko ahita ava hasi agatangira gutekereza ko agiye gukabya inzozi zo gusezerera ubwo buzima bw’imihangayiko. Nyamara abizezwa akazi bakwiye kubyitondera, kuko abatekamutwe bizeza abantu akazi bafite ubwenge bwajijisha n’abaminuje.

Hari umukobwa witwa Claudine (izina ryahinduwe) uherutse kuganira n’ikinyamakuru Ukwezi.com, adusobanurira akaga yahuye nako. Yadutangarije ko yarangije icyiciro cya kabiri cya Kaminuza muri 2012, kugeza ubu akaba nta kazi arabona. Mu mwaka ushize wa 2016, yakiriye telefone imubwira inkuru nziza. Uwamuhamagaye yamubwiye ko ari umusore biganye muri ULK witwa Claude, yumva ntamuzi ariko agirango ni ukuba atamwibuka. Claude yamubwiye ko hari abo biganye bamubwiye ko atarabona akazi kuva yarangiza kwiga bityo akaba ari we ashaka kurangira akazi keza muri kompanyi ikorera mu mujyi wa Kigali, ariko kukabona bikaba bisaba gutereta, uzamufasha kukajyamo akaba azamuha umushahara we wa mbere w’ukwezi ungana n’amafaranga y’u Rwanda ibihumbi magana inani (800.000 Frw).

Nta kuzuyaza ubwo yahise amuha nimero ya telefone y’uwo muntu uzamufasha kubona akazi, aramuhamagara bapanga kubonana, bahurira mu mujyi wa Kigali rwagati. Yasanze ari umusore w’umusirimu wiyubashye, kuko yaje mu modoka yo mu bwoko bwa Toyota RAV4, bicara ahantu amusengerera icyo kunywa, ubundi amubwira uko agiye kubona akazi n’inzira bizacamo.

Claudine ati: "Ntabwo nari kumukekaho ubutekamutwe, rwose yari umusore bigaragara ko yize, ahita ampa agakarita kagaragaza ko ashinzwe abakozi muri iyo kompanyi ya baringa, ambwira ko nyiri iyo kompanyi akoresha ibizamini by’akazi akabyikurikiranira, kuburyo uwagize amanota menshi mu kizamini ari we aha akazi byanze bikunze nta marangamutima. Yanyijeje ko we na mugenzi we wundi bakorana bazanshakira ibisubizo bakabimpa mbere, nkazazana laptop (mudasobwa igendanwa) bakabinshyiriraho, ubundi iyo mudasobwa nkaba ari nayo nzakoresha ikizamini, kuburyo ntakindi nzakora kigoye uretse guhita nerekana bya bisubizo ngahita ngira amanota ya mbere."

Umunsi nyirizina wagarageze, Claudine apanga na wa musore ko bahurira mu mujyi akamujyana aho akorera ikizamini, yamubeshyaga ko nibagera hafi yaho ahamusiga ngo batavumbura ko bari kumwe. Uwo musore yaje mu modoka ari kumwe n’undi mugenzi we yavugaga ko bakorana, bava mu mujyi wa Kigali rwagati bajya i Remera. Bageze i Remera barahagaze baraparika, babwira Claudine ko yava mu modoka bakajya kubanza gusangira muri resitora yari hafi aho. Telefone yo bari bamubwiye ko ibyiza yayizimya kuko bagiye kuhagera, hanyuma akayishyira mu gikapu cya mudasobwa akaza kuyikuramo ikizamini kirangiye.

Bamaze kurya, umwe muri ba basore yibarishijwe mugenzi we niba urupapuro rwasabiweho akazi (formulaire) yibutse kurufotoza ngo bahe na Claudine arwuzuze, hanyuma nibagera ku kazi bahite baruseseka mu z’abandi basabye akazi, nabyo bavugaga ko ari ukumufasha kuko amatariki yo gutanga dosiye isaba akazi yari yararangiye. Ubwo umwe muri abo basore yavuze ko yibagiwe kurufotoza, bahita basaba Claudine kujya gufotoza, asiga isakoshi ye, mudasobwa na telefone muri ya modoka, avuye gufotoza abura aho imodoka yarengeye, amera nk’ukubiswe n’inkuba arira nk’umwana, abagiraneza nibo bamugobotse abona amafaranga ategesha asubira iwabo. Claudine ashimangira ko nta na rimwe yari yigeze ashidikanya kuri abo basore, kuko ubutekamutwe bamukoreye bwari bupanze neza kandi burimo ubwenge buhanitse.

3. Hari abasigaye biyita abazungu bakizeza abantu ibitangaza bagamije kubiba

Ku Cyumweru tariki 8 Mutarama 2017, umugabo w’umukomisiyoneri mu mujyi wa Kigali ufite ikompanyi iranga amazu agurishwa n’akodeshwa, yahamagawe n’umusore amubwira ko yitwa Christophe, ko yahoze akorera umuzungu ariko akaba yarasubiwe iwabo. Yamubwiye ariko ko hari undi muzungu mugenzi w’uwo yakoreraga ushaka inzu nziza i Kigali akodesha agahita yishyura ubukode bw’imyaka 5 yose. Yamubwiye ko ashaka inzu y’amadolari 2000 ku kwezi, kuburyo ubaze wasanga yari guhita yishyura amadolari 120.000 y’imyaka itanu, ni ukuvuga hafi miliyoni 100.

Yamwijeje ko uwo muzungu azamuhamagara, bidatinze koko ahamagarwa n’umuntu ufite nimero ifite kode (Code) yo mu Budage. Ku batabizi, kuri interineti habaho uburyo bw’ikoranabuhanga (application) ushobora gukoresha uwo uhamagaye akabona ahamagawe na nimero yo mu mahanga, bitewe n’igihugu uwahamagaye yashatse gukoresha.

Nta gushidikanya umukomisiyoneri yatangiye gushaka amazu meza, ba nyirayo yabibabwira bakamwizeza kuzamuhemba amamiliyoni atubutse, nawe ayazengurukamo afotora, yohereza amafoto kuri Email yari yahawe n’uwo muzungu nawe amubwira ko yashimye inzu. Kuwa Gatanu tariki 13 Mutarama 2017, yamwandikiye amubwira ko yohereje umugabo bazakorana witwa Dr Germain ukomoka muri Afurika y’epfo, ngo arebe inzu neza ahite anishyura nyirinzu basinye amasezerano, banahembe umukomisiyoneri. Uyu mukomisiyoneri yabwiye ikinyamakuru Ukwezi.com ko yari yizeye guhembwa hafi miliyoni 7, kandi akaba atarigeze abakekaho ubutekamutwe kuko abantu bashaka amazu nk’ayo banahemba neza ubusanzwe babaho.

Kuwa Gatandatu tariki 14 Mutarama 2017, mu masaha ya mugitondo uwiyitaga Dr Germain yahamagaye wa mukomisiyoneri amubwira ko ageze i Kigali avuye muri Afurika y’Epfo, amusaba ko nimugoroba bahura akamwereka inzu. Yamusabaga ariko ko yaza ari kumwe na Christophe, umwe wari waramuhamagaye amubwira ko yahoze akorera umuzungu uziranye n’uwo wari ukeneye inzu. Hagati aho umukomisiyoneri yari yarahuye n’uwo wiyitaga Christophe, amwizeza uburyo abo bazungu bafite amafaranga menshi kandi ari abantu beza kuburyo nabaha inzu nziza bazamukiza.

Mu masaha y’umugoroba, umukomisiyoneri yateze imodoka (Taxi Voiture) ajya kuri Ninzi Hotel ku Kacyiru mu mujyi wa Kigali aho yari guhurira na wa munyamahanga, ariko aca kuri uwo Christophe muri gare ya Kacyiru, barajyana. Ageze kuri uwo munyamahanga Dr Germain, baravugana mu byongereza n’ibifaransa byinshi, ariko uko bavugana wa mukomisiyoneri aza kubona uwo mugabo amuzi, kuko ngo yari yarigeze kumubona mu bisambo byari byafungiwe ubutekamutwe mu myaka yashize. Hagati aho uwo wiyitaga Dr Germain na Christophe, bari bigize nk’aho ari ubwa mbere bahuye kandi bari mu itsinda rimwe ry’abatekamutwe.

Umukomisiyoneri yahise amubwira ko arimo kumutekaho imitwe, amusaba kuvuga Ikinyarwanda kuko akizi neza kandi ari umunyarwanda, ubwo uwiyitaga Dr Germain ahita yiruka bwangu yinjira mu modoka bari bari kumwe, bahita batoroka ariko umukomisiyoneri asigarana umwe wiyitaga Christophe, amushyikiriza Polisi kuri sitasiyo ya Polisi ku Kacyiru. Ubwo umunyamakuru wa Ukwezi.com yahageraga icyo gihe, yasanze uyu musore yiyemerera ko batetse umutwe, ndetse ko umuzungu yavugaga ko yakoreye yabeshyaga. Yasanganywe ama Sim Cards menshi cyane, bishoboka ko yayakoreshaga ahamagara abantu atekaho imitwe. Uwo wafashwe, yiyemereye ko bashakaga ko abereka iyo nzu irimo ibikoresho byose byo mu nzu, bakayiraramo bizeza nyirayo kwishyura mu gitondo, bakarara biba ibikoresho byayo bugacya bababura.

4. Abagabo basigaye bategwa umutego w’inkumi, akisanga bamusaba kwishyura akayabo.

Amwe mu mayeri y’abatekamutwe asigaye akoreshwa mu mujyi wa Kigali, ni ayo gutega inkumi abagabo. Umukobwa uri mu kigero cy’imyaka nka 20, asanga umugabo wiyubashye nko mu kabari cyangwa ahandi, akagenda amureshya amwiyegereza kuzageza ubwo bagera ku ngingo yo kuba baryamana. Umukobwa ajyana umugabo ahantu aba yarateguye afite abandi babiziranyeho, bamara kugera mu cyumba abantu bakabagwa gitumo, barimo uwiyita nyina w’umwana n’uwiyita umupolisi, bafite ibyangombwa mpimbano bigaragaza ko uwo umwana ari muto n’ubwo afite igikuriro, bakagaragaza ko yavumbutse ariko akaba afite imyaka nka 17, bivuga ko atujuje imyaka y’ubukure.

Ubwo bahita bagaragariza uwo mugabo ko agomba gufungwa burundu nk’uko amategeko abiteganya ku wahamwe n’icyaha cyo gusambanya umwana utujuje imyaka y’ubukure, yabatakambira bakamusaba gutanga amafaranga menshi ya ruswa kugirango bamubabarire, undi na we yabura uko abigira akayashaka akayabaha, yaba atanayafite akaguzaguza kugirango arebe ko abasha kuhikura.

NIBA HARI ANDI MAYERI UZI YANDIKE MU BITEKEREZO N’ABANDI BAYAMENYE, UNASANGIZE BENSHI IYI NKURU BATAZAGWA MU RUZI BARWITA IKIZIBA

Reba neza, ushobora gusanga hari abantu bakora ubutekamutwe na telefone bakwiyitirira


INKURU ZA :
Tanga Igitekerezo
Ibitekerezo 33
Emmanuel Kuya 9-07-2018

Hari abababeshya NGO bafite diament bakakurangira n’aho uyishora bamaze kwihamagaza nomero z’uwo uyishyira ngo akwishyure ukabasigira ibyo ufite ngoragutegereza ubazanire amafaranga wagenda nomero ya phone bakayikuraho wagaruka aho wasize babantu ukababura

Emmanuel Kuya 9-07-2018

Hari abababeshya NGO bafite diament bakakurangira n’aho uyishora bamaze kwihamagaza nomero z’uwo uyishyira ngo akwishyure ukabasigira ibyo ufite ngoragutegereza ubazanire amafaranga wagenda nomero ya phone bakayikuraho wagaruka aho wasize babantu ukababura

jaiz Kuya 26-07-2017

Ubutekamutwe buri kwinshi; hari n’umugore ufite umugabo wiyita umusirikari cg se byaba aribyo, agahamagara umuntu w’umugabo ngo naze bavugane uko bazakorana ku bicuruzwa byo mw’isoko rya gisirikari kuko ngo bigura make, umuntu yagera aho yita iwe kandi ari aho bakorera ubwo butekamutwe, agatangira ati nkwakirize iki, undi yamubwira icyo anywa akajya kukimugurira hafi aho, umugabo yatangira gusomaho , ubwo nyamugabo akinjira ati wa kigabo we urankorera iki munzu nuyu mugore? agahita amufatiraho imbunda cyangwa grenade ku mutwe ngo namuhe amafaranga natayamuha aramurasa ngo kuko yaje kumusambanyiriza umugore hari uwo nzi byabayeho, ubwo undi agatangira guhamagara abavandimwe ati nimwohereze amafaranga kuri M money muntabare kuko merewe nabi kandi bakayohereza kuri nimero y’abo batekamutwe, ubwo undi agatangira kwishyura ibyo abatekamutwe bamucuje ku maherere. Twasabaga Polisi ko yahagurikira abantu nk’abo kuko bamaze abaturage babacuza utwabo kandi hari igihe Polisi iba yamenyeshejwe ubwo butekamutwe ariko igatinda gutabara.

Charles Kuya 17-01-2017

Aba bateka mutwe jyewe baranjujubije: Ibi by’isoko ryo mu bashinwa nibiwemo 120.000 frw,
Undi muntu wiyita Bosco warampamagaye n’a tel. yo hanze, ngo ali muli R centrafricaine,numva asa n’unzi. Ambwirako ari umusilikari akaba ntaruhusa arabona rwo gutaha,aliko akaba afite diamant ashaka kunyoherereza nkayimugishiriza n’umuzungu uli i Butare! Ansaba kujya ku Gisenyi kuyakira,ambwirako ayihaye mugenzi we uje n’indege y’ingabo za l’ONU i Goma Mfata imodoka yange n’a essence mvuye i Kgl ngeze i Gisenyi,hafi ya grande barrière. Umugabo ampa agapfuyika gahambiliye neza cyane, aliko anyaka nka 200.000 ngo ya ruswa yemereye abakongoman bamuretse ngo yambuke.Ndamuhakanira,Ahamagara Bosco babyumvikanahooo.....,ankuramo 60.000 arandeka ngo ngaruke i Kigali. Ngeze Byangabo Bosco arantelefona ngo nyure mu Ruhengeri hariyo umutechnisiye umpa certifika ya laboratoire. Ampa n’a numéro ze.Ndamuhamagaye turahuye ,nawe ariherereye arongera agapfuyika neza bundi bushya,ampa n’igipapuro ngo ni certifika .Ati ukampa 100.000 za analyse!!! Anyumvishije ko ari diamant yagaciro gakomeye cyane kandi ko umuzungu ariwe uzifungulira. Njya muli Bk i Musanze, ndayamuhaye. Si ukugenda ndaguruka...! Ngeze mu Gakenke n’umva umuzungu aranterefonnye,ati tebuka n’ugera i Kigali umbwire mbone kuza ubu ndi i Butare. Nkigera i Kigali Bosco ambaza uko byagenze.Nti : ubu nijye ufite imali ntegereje umuzungu.Bosco anyatse 50.000 ngo ninyamuhere mushikiwe uli i Nyamata uyakeneye cyane...!!Ndamuhakanira. Mpamagaye wa umuzungu,ati ndi mu nama.Ansaba kuzinduka njya kumureba i Butare.
Umutima urandiye,ndafungura niherereye ngo nibiba ngombwa mbijyane muli bijouterie mu mujyi Kgl nabo bandebere ko ali Sawa.Nsanga n’agacupa karimo amazi y’urufuro .Muli bijouterie bâti jyana umwanda hanze ujugunye...! Ngayo nguko.

Ibindi byambayeho,baranterefonnye ngo bampe ikiraka cyo kubakira ibigega 10 by
amazi no kubigemura mu ma centres de santé.Bansabye ibyangombwa n’amafranga 80.000,baranyirukankije ku Kimihurura ndushye ndataha.
Ni byinshi byambayeho,ariko ubu nabonye isomo,nihagira unyibeshyaho tuzabonana. Ese aba batindi umuntu yabaregera polisi gute? Ku yihe no ya tel.?

gogo Kuya 17-01-2017

Abajura bimenyereza cartier, akaza akihagarisha ku gipangu runaka acunze abana bato bo hafi aho ngo abimenyereze, yabona ababyeyi basohotse bakabwira umwana ngo ba papa cg mama baravuze ngo muzane laptop na telephone tubashiriremo games. Umwana kuko azi ko ababyeyi aribwo bagisohoka akumva ko bavuganye agahita abisohora. Police nidufashe ishyireho ibihano bikaze ataribyo abaturage bazihanira. Cyanr cyane ko niyo umufashe ukamufungisha bahita bamusohora. So ntibabireka.

nkunda Kuya 17-01-2017

Munyibukije umuhanzi witwa Boazi amvana iwacu I Muhanga akanjyana i Rubavu akanguza amafaranga 38.000 twajyera i Kgl akantegera moto ngo ninjye Ku gaseke bank mbe nuzuza check nkamuheba bavandi abanyamitwe baragwiriye mwitonde.

Rukundo Kuya 16-01-2017

Sha ksa hari umuturanyi nawe ejo bundi batekeye umutwe ukomeye cyane!uti byagenze gute:umwe yaraje yigiras umukozi ngo bossi aramutumwe aramumuha bavuganira kuri kuri phone ngo afite abashyitsi kdi babubuze icyo kunywa ngo agiye kumwoherereza amafaranga kuri mobile maney hanyuma amuha inzoga za frw 75000.bamaze kugenda arebye asanga numwuka bamusunikiye!nihatari abateka mutwe baragwira!

Rukundo Kuya 16-01-2017

Sha ksa hari umuturanyi nawe ejo bundi batekeye umutwe ukomeye cyane!uti byagenze gute:umwe yaraje yigiras umukozi ngo bossi aramutumwe aramumuha bavuganira kuri kuri phone ngo afite abashyitsi kdi babubuze icyo kunywa ngo agiye kumwoherereza amafaranga kuri mobile maney hanyuma amuha inzoga za frw 75000.bamaze kugenda arebye asanga numwuka bamusunikiye!nihatari abateka mutwe baragwira!

KAMALI Kuya 16-01-2017

JYE NDASOMA IBI IBITWENGE BIKANDENGA, UMUNYAGWA YANDIYE IBIHUMBI 150000 MUBYICIRO BIBIRI, 60000 NAMUSINYIYE CHEQUE 90000 NDAYAMUSHYIRA RWOSE NTEZE URUGENDO KUGENDA NO KUGARUKA TICKET 20000. UTI BYAGENZE GUTE
HARI UMUSORE WUMUMOTARI TWARI TUZIRANYE KUKO YAKUNDAGA KUNTWARA BUCYEYE MUBWIRA KO NSHAKA GUKORERA PERMI, ARAMBWIRA ATI URUSHYWA NIKI KO MFITE UMUPOLICE WINSHUTI YANGE YAHITA AYIGUHA UMUHAYE 150000, NDAVUGA NTI AHO KWIRUSHYA NKANATSINDWA REKA NYATANGE. AMPA NUMERO ZUWO MUPOLICE TURAVUGANA ARAMBWIRA ATI MUCYUMWERU GITAHA BAZAKORA UNYOHEREREZE PROVISOIRE NA PHOTOCOPI YIRANGAMUNTU ATI AMAFARANGA UZAYAMPA WABONYE PERIME YAWE MUNTOKI MBA NDABYIZEYE GUTYO IBYANGOMBWA NDABYOHEREZA NA PROVISOIRE YANGE ORIGINAL, ICYUMWERU GISHIZE ARAMPAMAGARA NKA SAA TSITA ZIJORO NSINZIRIYE ATI DOSIYE YAWE HAJEMO AKABAZO ATI ZANA IBIHUMBI 60000 DUHE ABA POLICE BA PRINTINGA PERMI, NUZISINYAHO NUNDI WUMUDAMU NGO NIBO BANANIJE ATI ARIKO AYANDI UZAYAMPA WABONYE PERMI YAWE. NTI NTAKIBAZO MWANDIKIRA CHEQUE 60000 NDAMWOHEREREZA, UBWO ARIKO WAMUMOTARI AKAMBWIRA NGO BAFATANYA GUCURUZA AMABUYE YAGACIRO KANDI HARI IBIRO 100KG AMUBIKIYE ATI HUMURA NDAMUZI NIWABO NDAHAZI NTAKIBAZO KIRIMO, NANGE NKAGIRA IKIZERE ,UMUNSI URAGERA PERMI IRAZA ATI NGWINO IKIGALI UYIFATE WITWAJE NAYAMAFARANGA YASIGAYE NTANAYO NARIMFITE RWOSE NDAGUZA GUZA MBONA NGWIJE 120000 NITIKE IRIMO NSIBA AKAZI NDATEGA MVA MUNTARA NJYA KWISHYURA PERMI. MPURIRA NAWE MUKABARI KARI KIMIRONKO ARI KUMWE NUNDI MUNTU ARIKO MUBONYE NDAMUPINGA CYANE KUKO NIYEMERA NANGE MBONA UYUMUNTU SUMUPOLICE ARIKO BINGUMA KUMUTIMA. DUFATA KAMWE KARANGIYE ATI ZANA YAMAFARANGA NGE KUYIZANA KURI HEADQUATER ZA POLICE AFANDE ARANTEGEREJE ATI KANDI ARIHUTA CYANE UMUTIMA URANDYA NDAMUBWIRA NTI OYA NTAYO NGUHAYE KEREKA NIBONANIYE NUWO AFANDE NKAYAMUHA NAWE AKAMPA PERMI YANGE UBWO BIBA BIGEZE SAA KUMINEBYIRI ZUMUGOROBA YIHAMAGAZA KURI TELEPHONE UNDI NAGIYE UBWO NAHEJO. ARANGIJE ARAMBWIRA ATI RERO AFANDE YAGIYE UZINDUKE SAA MBIRI UBE UGEZE INAHA ATONGERA AKADUCIKA, NDATAHA NAKO NJYA GUCUMBIKA IKAYONZA KUKO NAKORERAGA MUCYARO CYAKURE, MUGITONDO NDAZINDUKA NAWE ARAZA UBWO UWIYITAGA AFANDE TUMUSANGA MURI PARKING YAA HOTEL CHEZ LANDO ARI MURI RAV4 NSHYASHYA ARI UMUGABO UBYIBUSHYE UKIRI MUTO UTEMBA AMAFRANGA KUMATAMA IBYO YAMBWIYE BYOSE NAREMEYE KANDI MWITA AFANDE ARAMBWIRA (AFANDE) ATI UYU NUMUHUNGU WANGE WOWE MUHE AMAFARANGA JGENDE AYIKUZANIRE MBA NDAYATANZE UMUHUNGU YURIRA MOTO HARIYA KUCYAPA CYO KWA LANDO KIJYA MUMUJYE HASHIZE IMINOTA NKA MIRONGO ITATU NDAHAMAGARA PHONE ITI NUMERO COMPOSE ITIKE YANSHUBIJEYO NAYATSE MUKURU WANGE UBIKIGALI KANDI UBWO NGO NDUMUNTU WARANGIJE KAMINUZA IBUTARE ARIKO IYO MBYIBUTE NTAKINDI NKORA USIBYE GUSEKA

daniel Kuya 16-01-2017

Ntimwibagirwe abakecuru cyangwa abandi bavuga ko batsindiye imitungo yabo yari yarabohojwe, bakakwemeza ko nta wundi muntu bakwizera mu banyamuryango babo bitewe n’amateka mabi bafitanye, bakakubwirako bakubonye nk’umuntu w’inyangamugayo babasha kwizera.... Umva gaguha story ya detailles zose z’uko imanza zagenze , bakakubwira n’amazina y’abantu bose bari muri icyo gikorwa (ibyo akubwira uyu munsi ni nabyo akubwira ejo) they are consistent mu magambo yabo ku buryo utabasha gukeka ko ari abatekamutwe. Gusa atangira agusaba ticket yo kujyayo kureba cyangwa gusoza imanza,,,,,rimwe akakubwira ngo yarwaye yabuze imiti.... agakomeza akubwira imbogamizi zirimo gutuma imitungo ye itaboneka neza ariko akakwizeza ko biri hafi gutungana ari nako akubwira ko adashobora kugihinduka ngo afate indi munti atari wowe......gusa iyo ushatse kumenya aho aba arakujijisha akakubwira ko agiye gusura abantu,,, wakwifuza kumenya ubuzima bwe akakujijisha kandi aguha impamvu zumvikana.......gusa iyo ubaye umunyabwenge urabimenya ko ari umutekamutwe.......buri gihe iyo azanye impamvu yatumye atabona imitungo ye byuzuye ninako akubwira indi igaragaza ko biri hafi gutungana... ariko ntiyibagirwa kukwaka amafranga agaragaza ikibazo afite....NB nti baka amafranga na menshi ahubwo ni 1000, 3000, gutyo gutyo kuburyo ucunze nabi ushobora kwikanga waramumariyeho utwawe.....

matsiko friday Kuya 16-01-2017

Ntimwibagirwe abarya abantu akayabo kugirango babafashe kubona "Autorisation de batir"!Bakoreraga mu Karere ka Gasabo ari aba commissionaires,kandi bose bagendaga mu mavatiri meza, uwo wancucuye yagendaga muri Benz 190. Namuhaye agera kuri 300,000Rwf mu byiciro, nyuma phone ze azikuraho. Ibintu byaradogereye mba mbaroga!

Imena Kuya 16-01-2017

Hari bacommissionaire bakorana ari group, ikagira amakashe ya
’akagari n’ibindi. inzu cg ikibanza bakabiguhera macye, ariko bakakubuza kuvugana n’uyiriom ngo atabambura, nyuma mukandika byose hasigayemo makeya. umunsi mwahanye wo kujya gukuramo abapanagi ugasanga ya groupe yose ari abambuzi. Niba umucomissionaire akuangiye ikintu banza ugenzure umunye umuyobozi nyawe w’aho hantu, umenye kdi niba n’ibyo akurangiye ari byo koko.

Imena Kuya 16-01-2017

Hari bacommissionaire bakorana ari group, ikagira amakashe ya
’akagari n’ibindi. inzu cg ikibanza bakabiguhera macye, ariko bakakubuza kuvugana n’uyiriom ngo atabambura, nyuma mukandika byose hasigayemo makeya. umunsi mwahanye wo kujya gukuramo abapanagi ugasanga ya groupe yose ari abambuzi. Niba umucomissionaire akuangiye ikintu banza ugenzure umunye umuyobozi nyawe w’aho hantu, umenye kdi niba n’ibyo akurangiye ari byo koko.

dada Kuya 16-01-2017

hari abiyita RALGA bajya ku turerer ahamanitse liste yabazakor aibizamini bakareba ho number za tel bakaguhamagara bakubwira ukuntu bashaka kugufasha, iyo utabaye maso barayakurya da najye ni nyagasani wamvugiyemo yari agiye pe

Simon sekamana Kuya 16-01-2017

Polisi ibanze kwica abo bajura ufashwe araswe ubujura buzashira

Claudine Kuya 16-01-2017

Wavuze ko hari nuguhamagara ngo wagize amahirwe utsindira kuvuga neza kuri fone ngo ntiwasebeje igihugu ,abandi baguhamagara ngo wapfushije umuntu babuze uko bamushyira muri morgue,sister bamuriye frw bamubwira ngo hari inshuti ye biganye iri mu bitaro,bamwoherereza msg zerekana ko bamuhaye frw kuri tigo cash,ngo nayabikuze ayashyire kuri no bamuhaye ya Mtn ngo nizuwo murwayi we nta mobile money abamo.Arabikora kumbe ntayo bohereje boherezaga icyuka gusa

lg Kuya 16-01-2017

Dore ubundi, bujura, bulimo,nubugome, baraza, kumuntu wakoze, ubukwe cyangwa witabyimana, mugiye murusengero, no gushyingura, bakaza, mwateguye bati,ahotwali, tugiye intebe, zibaye nke barazidutumye bagapakira nibindi badutumye ama kaziye television mwagaruka mugasanga ibintu byagiye, mubihe, nkibyo, muge,mwitonda cyane mubyibuke MURAKOZE

said Kuya 15-01-2017

aba bateka imitwe gutya hafi ya bose bafite bachelor’s degree.ubushomeri burabarya bakabura uko bagira bagakora ibidakwiye.leta nidashyira imbaraga zihagije mukorohereza urubyiruko kubona ibyo bakora ikimenyane kigacika hanze aha mwitege ibindi birenzeho mu minsi iri imbere!njye barancucuye ndaceceka ariko bampaye isomo,uzongera kuntekaho imitwe azaba arenze kabisa

SEKAZUBA Eden Kuya 15-01-2017

RWOSE BAVANDIMWE,IYO UGANIRIYE N’ABANTU BENSHI BIGEZE KWIBWA,USANA AMAYERI ABATEKA -MUTWE BAKORESHA NI MENSHI NTIWAYABARA NDETSWE BURI MUNSI BAHIMBA N’AMASHYASHYA.
Inama:KUTEMERA KO HARI UKU GIRIRA IMBABAZI MUBURYO UBWO ARIBWO BWOSE.

nzabahimana Kuya 15-01-2017

abobanyagwa bagiye bakura amaboko mumufuka bakora bakarekakurya utwabandi cyakora muge mubatwereka mumaso tubabone tazadutecyera umutwe umukomesiyoneri nicyocyamukijije

lexn Kuya 15-01-2017

Abahungu bakora betting nyabugogo bakwambura ureba ngo amafarashi wayacuritse akajya kubikuza kuri ATM nga ucurukure ugahora muri ayo .....

gashuhe Kuya 15-01-2017

Mana we abantu baribwe karahava mbasabye kutantangaza nibwe 140,0000fr uwitwa Murisa yampanagaye mumazina yange yombi ambwira background yange yose agera nokukazi nakaraga yiyita kontabure wa handcup intanational masaka ambwira ukuntu bemeranyije kugura ihene 500 zoguha abafite ubumuga araterura ati nshutiyange ndashaka kugukiza nkaguha irisoko tugafatanya kuko ariwowe nizeye tuzakoresha konti tuzafunfuza muri fina bank anyizeza kuzampuza D.M director manager byarakozwe duhurira kicukiro baransengera inkoko nibyokunywa D.M araterura ati niwowe murisayambwiye yego anyemezq ko umushinga bawemeje hasigaye gutanga isoko murisa nimpuhwe nyinshi ati ubwose ntiwanfashiriza umuvandimwe ok muzazane dosier tuzayisuzuma ubwo D.M yahise asezera adusigaho akamashu mbangasigayemo maze sukuncurika karahava mbese njya mumwuka arangije ampa itike 10000fr incura nizangarura bwarakeye duhurora kiyovu ari alimantansiyo uvuye lyce de kigari yafunguje cpmpt ansaba milion arikumwe namugenziwe amsaba photo 2 ngufi ndazitanga adusigaho agaruka ya compt iriho2000000fr nacash ya phina bank ambwira ko nawe yashizeho aye kugirango dufatanyemwizeye dusezerana guhura nukeye nzanye ibahasha ya D.M ya 400000fr narqbikoze kuko naromeze nkuwahawe feneriga ihene 1ubuguzi hagati 15000/20000fr umushinga 25000/30000frw mbaze inyungu ati ndakize umushinga wagombaga kumara2month dusezerana kwongera guhura ansaabye gushaka undi niizeye tugafatanya kuko amafarangayari make naramubonye ansaba kubahuzq amusaba kobahura nawe ansaba kotujyana twaragiye kicikiro ati muanogo ati haruguru kiyovu atiwihangane boss arimunama mutegereze birangira nambuwe amafaranga atinayange ngayo nguko

jean Kuya 15-01-2017

mwiriwe neza umusore wicutiyajye wiga kaminuza umutekamitwe yaramuhamagaye amubwirako ari icyangungu akora akazi kongu cukura ibumba ko ahohantu yahabonye ikintu atazi arko ko cyandi tseho amagambo nawe atazi neza ko yamushakira umukiriya umunyeshuri aramubaza ati handinseho gwiki ara mubwira ngo arikubona handitseho airlon 1986 kd ko ifite umwejye ushyiramo akantu kakuma kangafata yamubwiyeko acyekako ari zahabu abazungu bataye amubazako yamubonera umukiriya umunyeshuri yahise avamubye yumvako yakize maze bucya ajya icyangungu ahajyeze zahabu koko uko babimubwiraga asanga niko neza neza aramubaza ati nangahe ashaka aramubwira ngo nibimbi 500000 aramubwirango nayimuhe azi yungukire umunyeshuri ntiyajuyaje yahise amubwirako byibura yabona 200000 umutekamitwe abanza kwanga bijyezeho apfa kuyemera umunyeshuri araguza guza arayabona arayamuha aragije angaruka kgl aje kwishakira umukiriya. arko ataramubona bimwanga munda cyakintu afite kimeze nkipine ryingorofani kibubye muri sima agikubitahasi agirango arebe koko kwari zahabu asanga ari ibirahuri bibiri hagati yabyo harimo griserine yumutuku yojyera asangamo nasumaku) ariyo yashyirangaho akantu kakuma kangafata yojyera asangamo nabrike) maze sukurira amarira yabaye meshicyane kuburyo kumuhoza byabaye ingorabahizi.abatekamute barukwishi ahubwo polis ikaze ingamba zikomeye

jean Kuya 15-01-2017

mwiriwe neza umusore wicutiyajye wiga kaminuza umutekamitwe yaramuhamagaye amubwirako ari icyangungu akora akazi kongu cukura ibumba ko ahohantu yahabonye ikintu atazi arko ko cyandi tseho amagambo nawe atazi neza ko yamushakira umukiriya umunyeshuri aramubaza ati handinseho gwiki ara mubwira ngo arikubona handitseho airlon 1986 kd ko ifite umwejye ushyiramo akantu kakuma kangafata yamubwiyeko acyekako ari zahabu abazungu bataye amubazako yamubonera umukiriya umunyeshuri yahise avamubye yumvako yakize maze bucya ajya icyangungu ahajyeze zahabu koko uko babimubwiraga asanga niko neza neza aramubaza ati nangahe ashaka aramubwira ngo nibimbi 500000 aramubwirango nayimuhe azi yungukire umunyeshuri ntiyajuyaje yahise amubwirako byibura yabona 200000 umutekamitwe abanza kwanga bijyezeho apfa kuyemera umunyeshuri araguza guza arayabona arayamuha aragije angaruka kgl aje kwishakira umukiriya. arko ataramubona bimwanga munda cyakintu afite kimeze nkipine ryingorofani kibubye muri sima agikubitahasi agirango arebe koko kwari zahabu asanga ari ibirahuri bibiri hagati yabyo harimo griserine yumutuku yojyera asangamo nasumaku) ariyo yashyirangaho akantu kakuma kangafata yojyera asangamo nabrike) maze sukurira amarira yabaye meshicyane kuburyo kumuhoza byabaye ingorabahizi.abatekamute barukwishi ahubwo polis ikaze ingamba zikomeye

Leo Kuya 15-01-2017

Ahubwo Abakobwa Mwitondere Imbuga Nkoranya Mbaga Abatekamutwe babasore Barikuzitereteraho Abakobwa Ubundi Urukundo Rwamara Gukomera Bakabacucura Bakabatera Inda Ubundi Bakaburirwa Irengero

Manzi Jean Felix Kuya 15-01-2017

Mana we.Ariko munfashe ntimutangaze number yanjye batanyirenza. Nanjye hari nibwe muri ubwo buryo; nkizwa na muramu wanjye nagujije frw 65.000 yo kwohereza ati have have ntupime.Kuko kibinkuramo byarangoye hari banfatishije. Dore uko byagenze.Uwiyise Agronome Ngo w’a Karere ka Kicukiro yampuje n’uwitwa Manager wa Aitel uyu nawe ampuza n"uwiyita umutekininisiye wa Aitrel. Bati Aitel ishaka ahanty hari ubutumburuke nk’aho ntuye Nyanza-Kicukiro Ngo bashiremo umunara kandi Ko byihutirwa birangirana n’ukwezo kwa 12/2016 bati tuzongera gufata abandi mu kwa 08/2017 uwo Agronome ati kubera dusengana kandi simuzi;ati wicikanwa n’ayo mahirwe ati kandi uzamenye umpe Ku frw kuko batanga frw 28.000.000 kashi mi bukode bw’imyaka 10 renouverable. Ati hita uterefona manager muvugane. Muvugishije;ampa no ya wa mutekinisiye ngo wakoreraga ahitwa Ndego-Kayonza nanjye mba ndashyushye kuko parcelle bashakaga nari nyifite ntangira gupanga uko nishyura amadeni yose nari nayo. Ariko bati uwo mutekinisiye kuko ari kure;nimutegere mwoherereze frw 65.000 yo kugura carbulant bati kandi uzayishyurirwa rimwe kuri sheki kuko ngo nta carbulant bari nayo ngo bave Kayonza bagere Kicukiro- Nyanza ngo baze kumpimira nanjye njye ku rutonde n’abandi bahita bishyurwa.Mba nshushye nto ni muramu wanjye wabinkuyemo ati nange izo no zarampamagaye gutyo ati agiye kubareba asangamo umwe amuzi ahubwo bariganye.Ati barumiwe bati sorry wangu ni ukwihangira imirimo....!!!!!! Mana we.

Manzi Jean Felix Kuya 15-01-2017

Mana we.Ariko munfashe ntimutangaze number yanjye batanyirenza. Nanjye hari nibwe muri ubwo buryo; nkizwa na muramu wanjye nagujije frw 65.000 yo kwohereza ati have have ntupime.Kuko kibinkuramo byarangoye hari banfatishije. Dore uko byagenze.Uwiyise Agronome Ngo w’a Karere ka Kicukiro yampuje n’uwitwa Manager wa Aitel uyu nawe ampuza n"uwiyita umutekininisiye wa Aitrel. Bati Aitel ishaka ahanty hari ubutumburuke nk’aho ntuye Nyanza-Kicukiro Ngo bashiremo umunara kandi Ko byihutirwa birangirana n’ukwezo kwa 12/2016 bati tuzongera gufata abandi mu kwa 08/2017 uwo Agronome ati kubera dusengana kandi simuzi;ati wicikanwa n’ayo mahirwe ati kandi uzamenye umpe Ku frw kuko batanga frw 28.000.000 kashi mi bukode bw’imyaka 10 renouverable. Ati hita uterefona manager muvugane. Muvugishije;ampa no ya wa mutekinisiye ngo wakoreraga ahitwa Ndego-Kayonza nanjye mba ndashyushye kuko parcelle bashakaga nari nyifite ntangira gupanga uko nishyura amadeni yose nari nayo. Ariko bati uwo mutekinisiye kuko ari kure;nimutegere mwoherereze frw 65.000 yo kugura carbulant bati kandi uzayishyurirwa rimwe kuri sheki kuko ngo nta carbulant bari nayo ngo bave Kayonza bagere Kicukiro- Nyanza ngo baze kumpimira nanjye njye ku rutonde n’abandi bahita bishyurwa.Mba nshushye nto ni muramu wanjye wabinkuyemo ati nange izo no zarampamagaye gutyo ati agiye kubareba asangamo umwe amuzi ahubwo bariganye.Ati barumiwe bati sorry wangu ni ukwihangira imirimo....!!!!!! Mana we.

Mgz Kuya 15-01-2017

Hari uguhamagara akubwira no akuzi ,no ashaka kukurangira isoko ryo kugurisha piece de rechange mubachinwa kd ko izo pieces azifite ko kandi we atazibagurisha arumukozi wabo bachinwa (China) bikarangira akwatse amafaranga yitako Sri ayo guha ushinzwe kugura cu gutanga isoko(procurement).

uwera Kuya 15-01-2017

Nukwishakira imirimo ntakundi

herve wally Kuya 15-01-2017

Hari abahamagara bigize company runaka barangiza bakagusaba kohereza amafaranga kuri mobile money kuri service bari buguhe babeshya biyitirira amwe mu masosiyeti yitumanaho wayabaha bikaba birangiye urugero izi nimero zandiye frw 0782664051
0788892533
0783735666

Zogo Kuya 15-01-2017

Yewe birarenze kuko harinabasigaye babicisha murukundo agafata irembo yarabeshye umukobwa ko ari umucurizi yarangiza akabeshya umukobwa ko ibicuruzwa byaheze magerwa cg ngo bamufu ngiye kure ngamugurize yayamuha agahita avanaho number pe

bobo Kuya 15-01-2017

Erega inzara izabamara nonese ko leta yashyizeho ingamba zikarishye zimisoro muragirango bagire gute bazajya barishumutwe nyine ariko babeho nakumiro

Q7 Kuya 15-01-2017

nanjye byambayeho ariko mbona abo banyagwa nnkumva nabatwika .gusa police ishake umuti urambye ufashwe deux fois Wenda afungwe burundu

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...