AMAKURU

UKWEZI
cheno 2020

Rwamagana: Bagiye gusenya uruganda rwa ’Kambuca’ basanga harangaye nta muntu uhari

Rwamagana: Bagiye gusenya uruganda rwa ’Kambuca’ basanga harangaye nta muntu uhari
20-11-2019 saa 11:32' | By Nsanzimana Ernest | Yasomwe n'abantu 2271 | Ibitekerezo

Mu murenge wa Muhazi mu karere ka Rwamagana, inzego z’ umutekano zahawe amakuru y’ urugo rwengerwamo kambuca zijyana n’ abayobozi kuri uyu wa 19 Ugushyingo 2019 basanga urugo rurangaye nta muntu uhari.

Bageze mu gikari cy’ uwitwa Bajiji Francois wo mu mudugudu wa Paraje, Akagari ka Nyarusange bahasanga ibidomoro birimo kambuca, imifuka ipakiyemo uducupa turimo ubusa, n’ ibindi bikoresho.

Umunyamabanga Nshingwabikorwa w’ Umurenge wa Muhazi Muhamya Aman yatangarije UKWEZI ko batazi niba hari umuntu wariye akara abo muri uru rugo.

Yagize ati “Nta muntu twahasanze, ariko twasanze inzu ikinguye ni uko dukora akazi ko kubimena abaturage bareba no kubasobanurira ububi bwabyo, ko ari ibintu biba bifite ingaruka ku buzima bwabo. Uwabyengaga ntabwo arafatwa”.

Gitifu Muhamya avuga ko nta gihe kinini cyari gishize uyu muntu atangiye kubyenga. Avuga kandi ko amakuru y’ uko Bajiji yenga Kambuca ku murenge batari bayazi.

Kugira ngo bimenyekane ni abaturage batugiye polisi agatoki, ni uko ijyayo isanga iki kinyobwa kiri mu bitemewe n’ amategeko y’ u Rwanda kirahengerwa.

Mu butumwa abayobozi bahaye abaturage harimo ko kunywa kambuca bishobotera gutera uyinyoye indwara y’ umwijima.

Nubwo nta muyobozi urabifatirwamo , hari amakuru avuga ko abantu benga ibinyobwa bitemewe bakorana n’ abayobozi b’ inzego z’ ibanze na bamwe mu bashinzwe umutekano. Ibi bituma iyo hagiye kuba umukwabu abenga inzoga zitemewe babimenya mbere bagahunga cyangwa bagasibanganya ibimenyetso.

Mu rugo rwa Bajiji hafatiweyo ibidomoro 18 birimo litiro 4320, amacupa arimo ubusa imifuka 260, amajerekani arimo ubusa 78, isafuriya 1 indobo 2 n’ amakarito adafunze.

Nyuma yo kumena kambuca muruhame ibikoresho byose byajyanywe kuri sitasiyo ya Polisi ya Kigabiro kugira ngo bizangizwe mu buryo butangiza ikirere.

Bajiji Francois aracyashakishwa ngo ashyikirizwe urwego rw’ igihugu rw’ ubugenzacyaha RIB.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...