konka coffee
KONKA

AMAKURU

UKWEZI

Amb. Mugambage yasabye Uganda gukora iperereza ku bashaka guhungabanya u Rwanda

Amb. Mugambage yasabye Uganda gukora iperereza ku bashaka guhungabanya u Rwanda
6-07-2018 saa 11:07' | By Vincent Nsengiyumva | Yasomwe n'abantu 4225 | Ibitekerezo 2

Ambasaderi w’u Rwanda muri Uganda, Frank Mugambage, yavuze ku mitwe y’iterabwora ikorera muri Uganda ishaka guhungabanya umutekano w’u Rwanda, ananenga inzego z’umutekano muri iki gihugu ko zidahagurukira iyo mitwe ngo zibe zayikoma mu nkokora.

Ibi Ambasaderi Mugambage yabigarutseho mu birori byo kwizihiza ku nshuro ya 24 umunsi wo kwibohora, ku wa 4 Nyakanga 2018, ubwo yagezaga ijambo rye ku mbaga y’Abanyarwanda baba muri Uganda, n’abandi bari baje kwifatanya nabo muri ibi birori.

Amb. Mugambage yanenze Uganda kutagira icyo ikora ku bashaka guhungabanya u Rwanda ndetse no guhohotera bya hato na hato Abanyarwanda baba muri iki gihugu, mu gihe hari haherutse kumvikana ibikorwa byo guhohotera, gufunga no gushimuta abanyarwanda baba muri iki gihugu.

Amb. Mugambage yagaragaje ko Uganda itigeze ishishikazwa no gukurikirana ibi bibazo Abanyarwanda baba muri iki gihugu bahuriyeyo nabyo, agaragaza ko bisa no gushyigikira no gukingira ikibaba ababyihishe inyuma bose.

Yagize ati “Hari imitwe y’iterabwoba ikorera muri Uganda mu buryo buzwi, ishaka guhungabanya umutekano w’u Rwanda, ariko nta gikorwa ngo ibe yahagarikwa.”

Yavuze ko ibihugu byombi byagerageje uburyo bwo gushaka uko iki kibazo cyakemuka binyuze mu nzira z’ibiganiro, n’ubwo Uganda itabishyiramo ubushake mu buryo bugaragara.

Yagize ati “Uburyo buhari bukwiye gukoreshwa mu gukemura ibibazo. Dukwiye gukora ibishoboka byose mu gukomeza umubano w’ibihugu byombi.”

Kuva muri Nzeri 2017, nibwo hatangiye kumvikanye umwuka utari mwiza hagati y’ibihugu byombi, ubwo abanyarwanda batangiye kujya bafungwa mu buryo bunyuranyije n’amategeko bigizwemo uruhare n’Urwego rushinzwe Ubutasi mu Ngabo za Uganda, CMI, bagakorerwa iyicarubozo basabwa kwemera ku gahato ko ari intasi z’u Rwanda.

Hari amakuru yakunze kuvugwa ko ngo abakorana na Kayumba Nyamwasa aribo batungira agatoki inzego za gisirikare muri Uganda uwo zigomba guta muri yombi, maze agashakisha kuza atawe muri yombi.

Amb. Mugambage yashimangiye ko Uganda icumbikiye imitwe y’iterabwoba ishaka guhungabanya u Rwanda


INKURU ZA :
Tanga Igitekerezo
Ibitekerezo 2
shimiyumuremyi.Erie Kuya 7-07-2018

abashaka.kutubuza.umutekano.ntabwo.bizashoboka.abanyarwanda.turimaso.ndidusinzira.kuko.twicungira.umutekano.ndiduteze.kugira.ubwoba. dufite.imana.numuyobozi

luc Kuya 6-07-2018

Aba bihorere M7 ntazazane ibya Mama wararaye tuzabasubizayo mpaka entebbe.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...