konka coffee
KONKA

AMAKURU

UKWEZI

Perezida Kagame yunze mu rya Musenyeri Nzakamwita watabarije ururimi rw’ikinyarwanda rwononekaye

Perezida Kagame yunze mu rya Musenyeri Nzakamwita watabarije ururimi rw’ikinyarwanda rwononekaye
18-12-2017 saa 15:32' | By Vincent Nsengiyumva | Yasomwe n'abantu 2723 | Ibitekerezo 2

Perezida wa Repubulika y’u Rwanda Paul Kagame yavuze ko hakwiye gushyirwa imbaraga nyinshi mu kwigisha ururimi rw’ikinyarwanda ndetse bigafata indi ntambwe bikava mu kwigishirizwa mu mashuri gusa bikaba byanakorwa mu nsengero, mu bitangazamakuru no mu bindi biganiro bitandukanye.

Ibi umukuru w’igihugu yabigarutseho mu nama ya 15 y’Umushyikirano yatangiye kuri uyu wa Mbere, ubwo yasubizaga ku kibazo cy’ururimi rw’ikinyarwanda rugenda rwononekara cyari kibajijwe na Musenyeri wa Diyosezi ya Byumba, Sylverien Nzakamwita.

Iyi nama y’Umushyikirano yitabiriwe n’abayobozi mu nzego zitandukanye kuva mu nzego z’ibanze kugera mu nzego zo hejuru, abayobozi b’amadini n’amatorero, abikorera ku giti cy’abo, abahagarariye ibihugu byabo mu Rwanda, aho bose bari kuganira kuri gahunda y’igihugu igamije impinduka, iterambere ry’ubukungu, kwihaza kw’igihugu.

Ubwo hamaraga gutangwa ikiganiro kivuga ku "indangagaciro zadufasha kwihuta mu itermbere" cyatanzwe na Minisitiri w’Umuco na Siporo, Uwacu Julienne; Umuyobozi wa gahunda mbonezamikurire, Anita Asiimwe n’Umuyobozi w’Akanama Ngishwanama k’inararibonye, Dr Iyamuremye Augustin, Musenyeri wa Diyosezi ya Byumba, Sylverien Nzakamwita, yasabye ko hari amasomo yari akwiye guhabwa umwanya nk’indimi zirimo ikinyarwanda kuko usanga cyaramaze kononekara.

Musenyiri Nzakamwita yasabye ko kimwe n’ururimi rw’ikinyarwanda ngo gushushanya, kuririmba ndetse n’iyobokamana nabyo bikwiye kongera gushyirwa mu masomo yigishwa mu mashuri maze agahabwa umwanya uhagije ngo kuko ari amwe mu masomo afasha cyane abana mu myigire yabo.

Umukuru w’igihugu nawe yaje yunga murya Musenyeri Nzakamwita ashimangira ko ururimi rw’ikinyarwanda rwononekaye bikabije ku buryo hatagize igikorwa mu gihe cya vuba wasanga rwarapfuye burundu rugahinduka ikindi kintu.

Kagame yasabye ko hakwiye kugira iugikorwa ururimi rw’Ikinyarwanda rukigishwa mu nzzego nyinshi zitandukanye ngo kuko kurwigishiriza mu mashuri gusa bidahagije cyane ko

Ati “Mu mashuri, mu miryango, mu nzego zitandukanye[…] Hari ubundi buryo bwo kwigisha kwigisha butari ukumva ko umuntu ari ku gahato ko kwiga kubera ko azakora ikizami akabihererwa amanita.Ibyo ni nabyo abantu benshi bigiramo ibintu byinshi by’umuco. Naho kwiga umuco ukorera amanita y’ikizami byagorana.

Yunzemo ati “Ndetse n’abanyamadini badufasha, mu masengero aho baba bari, mu mvugo mu biganiro, byafasha.Ndetse sinzi impamvu batabishyira ku ma radio na za televiziyo hakaba za porogaramu zigisha ikinyarwanda uhereye no ku bintu biba bisanzwe, ndetse hari abantu tugira b’inararibonye mu nteko z’umuco, badufashe babahe umwanya kuri za Televiziyo no ku ma radio mudufashe mwigishe abana bacu ikinyarwanda.”

Umukuru w’igihugu kandi yakomye urusyo akjoma n’ingasire aho yanatunze urutoki abana ko nabo bagira uruhare mu kwica ururimi rw’ikinyarwanda aho bagoreka ururimi bakakivuga uko bishakiye.

Ati "Ndasaba n’abana, urubyiruko ruto nabo bashake kwiga. Kwigisha udashaka kwiga ntacyo... kandi nitutitonda tutigishije neza ngo n’abo twigisha bagire ubushake, uzasanga ahubwo vuba aha ikinyarwanda twaragihinduye, abantu bage bumva abantu bavuga ikinyarwanda bayoberwe ururimi bavuga urwo ari rwo."

Perezida Kagame yatanze ingero ku magambo amwe n’amwe asiogaye yumvana abana ndetse yewe n’abakuru aho bafashe amagambo nyayo bayahindura uko bashatse ku buryo usanga basigaye bayavuga uko biboneye.

Yavuzez ko amwe mu magambo nk’umushyitsi usanga hari abarifashe baryita Umushitsi ijambi ntabwo basigaye barivuga ngo nabwo aho yavuze ko ibi bishobora guhindura inyito y’ubutumwa washakaga gutanda cyane cyane bishyizwe mu nyandiko.

Mu gusubiza ikibazo cy’ururimi rw’ikinyarwanda kimwe n’ibindi Musenyeri Nzakamwita yabajije birebana n’Uburezi, Minisitiri w’Intebe, Dr Edouard Ngirente, yavuze ko hari gahunda yo gutekereza uburyo hakongerwa amasaha abana biga mu mashuri abanza biga, hanyuma hakongerwamo n’andi masomo bari basanzwe biga aho anatanze urugero ku bijyanye no kuba muri iki gihe isomo rya siporo ryongeweho.

Minisitiri w’Uburezi Dr Eugene Mutimura nawe yavuze ko inzego zibishinzwe zigiye kwiga ku bibazo byatanzwe na Musenyeri Nzakamwita byihuse maze harebwe igikwiriye gishyirwe mu bikorwa.


Perezida Kagame yasabye ko hakwiye kugira igikorwa vuba na bwangu ururimi rw’ikinyarwanda rutarangirika burundu


Minisitiri w’Intebe, Dr Edouard Ngirente asuhuzanya na Musenyeri Nzakamwita


Musenyeri wa Diyosezi ya Byumba, Sylverien Nzakamwita


INKURU ZA :
Tanga Igitekerezo
Ibitekerezo 2
protegene Kuya 20-12-2017

amanita ni iki

protegene Kuya 20-12-2017

amanita ni iki

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...