konka coffee
KONKA

AMAKURU

UKWEZI

Twagirayezu Wenceslas ukekwaho ibyaha bya Jenoside yagejejwe mu Rwanda

Twagirayezu Wenceslas ukekwaho ibyaha bya Jenoside yagejejwe mu Rwanda
12-12-2018 saa 06:31' | By Chief Editor | Yasomwe n'abantu 3535 | Ibitekerezo 1

Mu masaha y’ijoro ryo kuri uyu wa Kabiri tariki 11 Ukuboza 2018, Ubushinjacyaha bw’u Rwanda bwashyikirijwe Twagirayezu Wenceslas wabaga mu gihugu cya Denmark, akaba yoherejwe mu Rwanda ngo aburanishwe ibyaha bya Jenoside yakorewe abatutsi n’ibyibasiye inyoko muntu akurikiranyweho.

Twagirayezu Wenceslas wagejejwe ku kibuga cy’indege agahita yambikwa amapingu akajyanwa gucumbikirwa ngo atangire kuburanishwa afunzwe, biteganyijwe ko azagezwa vuba imbere y’ubutabera mu rugereko rwihariye rw’ibyaha mpuzamahanga mu rukiko rukuru rw’u Rwanda, yoherejwe mu Rwanda nyuma y’icyemezo cyafashwe n’urukiko rwa Denmark rwanzuye ko agomba koherezwa mu Rwanda kugirango akurikiranwe.

Twagirayezu Wenceslas yagejejwe ku kibuga cy’indege ahita ajya gucumbikirwa ngo akurikiranwe afunzwe

Twagirayezu Wenceslas, mwene Semugeshi Nassan na Ntawukazi Rose, yavutse mu mwaka w’1967, aho yavukiye ubu hakaba ari mu mudugudu wa Rubikoro, mu kagari ka Gacurabwenge ko mu murenge wa Rwerere mu karere ka Rubavu, mu cyahoze ari komine Rwerere yari muri Perefegitura ya Gisenyi.

Twagirayezu Wenceslas yari perezida w’ishyaka CDR mu cyahoze ari segiteri Gacurabwenge, akaba yari n’umwarimu ku kigo cy’amashuri abanza cya Majyambere cyo mu cyahoze ari segiteri Busasamana. Nyuma ya Jenoside, yari yarahungiye mu gihugu cya Denmark.

Twagirayezu Wenceslas akurikiranyweho ibyaha bya Jenoside n’ibyasiye inyoko muntu, birimo kuba yaritabiriye ibikorwa by’ubwicanyi bwahitanye imbaga mu cyahoze ari komine Rwerere, nko muri Paruwasi ya Busasamana basaga 3000 bahungiye hanyuma abarenga 1000 bakahicirwa.

Hari kandi ibikorwa by’ubwicanyi byabereye muri Kaminuza ya Mudende no muri Institut St Fidele aho abatutsi benshi bagiye gushaka ubuhungiro bagapakirwa mu modoka bakajyanwa kwicirwa ku Nyundo.


INKURU ZA :
Tanga Igitekerezo
Ibitekerezo 1
jack Kuya 12-12-2018

urwanda namapingu wagirango sinzi mwabonye bariya basore bintarumikwa ba denmark bamuzanye ntamapingu police yomurwanda namapingu nipata nurugi

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...